बज्रवाराही बचत तथा ऋण सहकारीको नाफा १५ लाख

१३ असोज, २०७५
     थाहा नगरपालिका वडा नं. ६ सरस्वति बजारमा संचालित बज्रवाराही बचत तथा ऋण सहकारी संस्था लिमिटेडको आज भएको नवौं साधारण सभामा १५ लाख नाफा प्रस्तुत भएको छ ।
     साना किसान सहकारी संघ केन्द्रीय लेखा समिति संयोजक महेश्वर सुवेदीको प्रमुख आतिथ्यमा साधारण सभामा भिमफेदी गाउँपालिकाकी उपाध्यक्ष पार्वती राना र थाहा नगरपालिका ६ नम्बर वडा अध्यक्षको विशेष आतिथ्यता रहेको थियो । 
बज्रवाराही बचत तथा ऋण सहकारी संस्था लि.का अध्यक्ष फणिन्द्र प्रसाद सुवेदीको सभाध्यक्षतामा भएको कार्यक्रममा सहकारीको शेयर पुँजी १ करोड १९ लाख ५८ हजार ७ सय रुपियाँ रहेको जानकारी गराइएको थियो । आर्थिक वर्ष २०७४÷०७५ मा सहकारीले ६ करोड ३० लाख रुपियाँको कारोबार गरी १५ लाख रुपियाँ नाफा कमाएको प्रतिवेदन प्रस्तुत गरिएको छ । 
     साधारणसभाले अध्यक्ष सुवेदी, सचिव रविन्द्र प्रसाद विडारी र कोषाध्यक्ष सुरेन्द्र गोपालीले प्रस्तुत गरेको प्रतिवेदन पास गरेको छ ।
कार्यक्रममा थाहा नगरपालिकाका स्वास्थ्य संयोजक मेघराज बलामी, बज्रवाराही उच्च माविका प्राचार्य विष्णु गिरी, टिष्टुङ महोत्सव मूल आयोजक समितिका संयोजक इन्द्र बहादुर श्रेष्ठ लगायत, स्थानिय बिभिन्न संघ संस्थाका प्रतिनिधिहरुकोे आतिथ्यता रहेको थियो ।