पत्रकार ढुंगानालाई दुर्व्यवहार

काेल्हबी न्युजका सञ्चालक/अध्यक्ष तथा बारा जिल्लाका पत्रकार अशेष ढुङ्गानालाई कोल्हबीको नेवारी खाजा घर एण्ड लजका संन्चालक सन्जिब श्रेष्ठले आफ्नै मोबाइलबाट आफ्नो होटलको विषयमा प्रहरीलाई जानकारी गराएको भन्दै मान्छे लगाएर  गाली गलाैज र धम्की  दिएका छन् ।

बिहीबार रातीको समयमा  करिब १ बजेर ३० बजे ९८२१८९३४९० नम्बरको माेबाईलबाट फोन गरी नेवारी खाजा घरको बारेमा केही गलत सूचना इलाका प्रहरी कार्यालयमा  दिएको भन्दै पत्रकार ढुङ्गानालाई पारिवारिक समयमा  अपशब्द प्रयोग गरि गाली गलाैज गरेको हो। 

पत्रकारलाई गाली गलाैज र धाकधम्की देखाउनु प्रेस स्वतन्त्रता माथिको हनन भएको प्रष्ट देखिन्छ । यसै घटनाको बारेमा शान्ति सुरक्षाको लागि आज पत्रकार ढुङ्गानाले इलाका प्रहरी कार्यालय काेल्हबीमा निवेदन दिएका छन् । उनले आफू र आफ्नो परिवारजनलाई शान्ति सुरक्षा कायम गर्न प्रहरी प्रशासनसँग आग्रह समेत गरेका छन् ।

साथै दोषी जुनसुकै व्यक्ति र त्यसमा संलग्न रहेका सबै लाई कानुनी दायरामा ल्याई कडाभन्दा कार्यवाहीका लागि सम्बन्धित निकाय सँग पीडित पत्रकार ढुङ्गानाले आग्रह गरेका हुन् ।

यसैबिच प्रेस सेन्टर जिल्ला समन्वय समिति बारा र मकवानपुरले छुट्टाछुट्टै बिज्ञप्ति प्रकाशन गरि वार्ता र संवादको माध्यमबाट समस्या समाधान तर्फ जानु पर्नेमा पत्रकारमाथि गाली गलौज तथा ज्यानमार्ने धम्की दिनु निन्दनीय भएकोले दोशी माथी कारबाहीको माग गर्दै पत्रकारको सुरक्षाको लागि प्रशासनसंग आग्रह गरेको छ ।