देश बाहिर बस्ने थाहाका युवा मातृभुमि बचाउ अभियानमा सक्रिय

थाहा नगरपालिका आग्रा स्थायी घर भाई अध्ययन काम लगयतको शिलशिलामा भिभिन्न स्थानमा रहेका नागरिकहरुले मातृभुमि बचाउ अभियान थालेका छन् । कोरोना महामारीको आक्रान्त थाहा ७ का नागरिकको सुरक्षाको लागि यो अभियान थालिएको थाहा ७ का युवा बलबहादुर गोङ्बाले बताउनुभयो । अभियानको संयोजन गोङ्वा सहित रामकृष्ण कार्की सागर (हाल दक्षिण कोरिया) आसिश सिं ठकुरी, सिताराम कार्कीले गरिरहनुभएको छ । उनिहरुले मातृभुमि बचाउ अभियान अन्तर्गत शनिबार वडा कार्यालय थाहा ७ लाई स्वास्थ्य सामग्री हस्तान्तरण गरेका छन् ।

उनिहरुले १ हजार थान सर्जिकल मास्क, १सय४४ थान लाइफब्वाइ साबुन , ७५ थान डिजिटल थर्ममिटर र १० लिटर स्यानिटाइजर वडा अध्यक्ष समनसिं मुक्तानलाई हस्तान्तरण गर्नुभएको हो । यो अभियान निरन्तर भइरहने अभियानका सदस्य बलबहादुर गोङ्बाले बताउनुभयो । काम, अध्ययनको शिलशिलामा भिभिन्न स्थानमा रहेका नागरिकहरुले आफ्नो गाउको स्वास्थ्यको लागि चिन्तित भई स्वास्थ्य सामग्री सहयोग गरेकोमा अध्यक्ष मुक्तानले बताउनुभयो ।

मुक्तानले प्राप्त सामग्रीहरु कोरोना नियन्त्रणमा प्रयोग गर्ने बताउनुभयो । उहाँले कोरोना नियन्त्रणमा स्वास्थ्य मापडण्डको पुर्ण पालना गर्न समेत गर्नुभयो ।