थाहा ९ चित्लाङका ११ बर्षे बालक करेन्ट लागेर गम्भिर घाईते 

थाहा नगरपालिका ९ चित्लाङ्ग खलिवनका ११ वर्षिय बालक सुदिप तामाङ्ग लामा करेन्ट लागेर गम्भिर घाईते घाईते भएका छन् । नेपाल विद्युत प्राधिकरण पालुङ वितरण केन्द्रको वितरित ११ के.भि. भोल्टेजको लाईनमा करेन्ट लागि गम्भिर घाईते भएका लामाको किर्तिपुर स्थित वन्र्ट अस्पतालको आईसियुमा उपचार भईरहेको छ । तामाङ्गलाई आज दिउँसो घर नजिकै खेल्ने क्रममा करेन्ट लागेको थियो ।
खेल्ने क्रममा घर नजिकैको विद्युत पोलमा चंगा अड्केको र त्यसलाई झिक्न खोज्दा करेन्ट लागेको स्थानियले बताएका छन् । 
केही समय अगाडि मात्र निर्माण भएको ३३ हजार भोल्टको लाइनको पोल पुरै ढल्केकोे र तार पनि जमिनबाटै छुने हुँदाहुदै पालुङ वितरण केन्द्रले लाईन चार्ज गरेपछि घटना घटेको हो ।   पटक पटक पालुङ प्राधिकरणलाई सो जीर्ण लाईन मर्मत नगरी लाईन नछाड्न प्राधिकरण समक्ष गुनासो गरे पनि सुनवाई नभएको स्थानिय सानुकान्छा तामाङ्गले बताएका छन् । उनका अनुसार गाउँलेहरुलाई प्राधिकरणले तारमा करेन्ट प्रवाह गरेको पनि थाहा नहुँदा घटना घटेको बताएका छन् । 

उनी  भन्छन, “केही समय अघिमात्र प्राधिकरणबाट निरिक्षणको लागि गाउँमा केही प्राविधिक आएका थिए, उनीहरुलाई पोल र तार व्यवस्थित नगरि लाइन नछोड्न भनेका थियौं । उनीहरुले पनि सबै व्यवस्थीत भए पश्चातमात्र करेन्ट छोड्ने बताएका थिए । तर कहिले लाइन छोडे हामीलाई थाहा भएन । यही सुचना थाहा हुन्थ्यो भने आजको घटाना घट्ने थिएन कि ? अब यसको सबै जिम्मा प्राधिकरणले नै लिनु पर्दछ ।”

प्राधिकरणले उक्त लाईन लामो समयदेखि खाली र।खेको र हाल कसै सँग समन्वय नगरी लाईन छोडेकाले दुर्घटना भएको थाहा ९ नं. वडाका वडाअध्यक्ष राजकुमार बलामीले बताए । उक्त लाईन जिर्ण छ भन्ने जान्दा जान्दै प्राधिकरणले लाईन छोडेर गम्भिर लापरबाही गरेको उनको आक्रोश छ ।

यता प्राधिकरण पालुङ बितरण केन्द्रका प्रमुख बिरमान रास्कोटीले भने प्राधिकरणको गल्ती नभएको बताए उनले भने"दुर्घटना नहुनु थियो भै हाल्यो क्षतिपूर्तिको लागि पहल गरिने बताउदै प्राधिकरणले सुचना दियरै लाइन संचालन गरेको बताए ।