थाहा ८ मा बिजुलिको पोल परिवर्तन गर्न जनता आफै जुटे

वर्तमान अवस्थामा थाहा ८ का अधिका‌ँश बिजुलिका पोल जिर्ण अबस्थामा छन । कति काठका पोलहरु पुरै मक्किएर तारको भरमा अडिएका छन भने कति मक्किएर ढल्न लागेका छन । केहि बिजुलिका पोलहरु सार्न र फेर्न पटक पटक बिधुत प्राधिकरणलार्इ ध्यानाकर्षण गराउदा पनि सायद फुर्सद नभएर होला ढिला शुस्ति भएर आफै उपभोक्ता भेला गराइ सार्न लागेको थाहा ८ का वडा अध्यक्ष टिकाराम रुम्बाले थाहा पाटि अनलार्इनलार्इ जानकारि दिनु भयो । यसको चाडै थप बैकल्पिक समाधानका उपायहरु नखोजिने हो भने पालुङ प्रधिकरणबाट प्रशारण हुने बिधुतले गर्दा यस वर्ष पनि कुलेखानीको मुहान क्षेत्र रहेको थाहा नगर पालिकाका हामी अध्यारोमा बस्न बाध्य हुनेछो । त्यस्तो नहोस भनि हामी सबैले एकै स्वरले बोल्ने बेला आएको छ त्यसका निम्ति जुनसुकै गाह्रो अप्ठ्यारो आर्इ परे पनि बेहोर्न हामी तयार रहेको पनि अध्यक्ष रुम्बाले बताउनु भयो ।

२०७४ असार १९ गते ३ फेजको लार्इनको टेन्डर स्वीकृत भर्इ सकेता पनि आजको दिन सम्म कुनै कामको शुरुवात नभएकोमा आप्पति र गुनासो त्यहाँका सचेत उपभोक्ताहरुले गरेका छन ।

पालुङ बितरण केन्द्रले अाफ्नाे कार्यक्षेत्रमा पर्ने काम तदारुक्ताका साथ यथाशिघ्र नगरेमा अागामी दिनमा अान्दाेलन समेत गर्न पछि नपर्ने वडा अध्यक्ष रुम्बाले बताएका छन ।