थाहा ७ मा एक हजार बढी घरमा बाडियो सेनिटाईजर र मास्क, अब आईसोलेसन बनाउने तयारी

थाहा नगरपालिकाको वडा नं. ७ मा कोरोना भाईरसको संक्रमणलाई कम गरी कोरोना मुक्त वडा बनाउन एक घर एक सेनिटाईजर, एक ब्यक्ति एक मास्क अभियानको पहिले चरण सम्पन्न भएको छ । शुक्रबारसम्ममा १ हजार ४० घरमा सेनिटाईजर र उक्त घरका सम्पूर्ण परिवारमा सर्जिकल मास्क बितरण गरिएको हो ।

पहिलो चरणमा कोरोना भाईरस संक्रमणबाट बच्न सचेतना सहित स्वास्थ्य सामग्री र पोसिलो खाना बितरण गरिएको र आगमी दिनमा कम्तीमा १० बेडको आईसोलेसन वार्ड बनाउने तयारी रहेको सदस्य थिङले बताउनुभयो

साथै वडामा कोरोना संक्रमित भई होम आईसोलेसनमा बस्दै आएका ६७ जानालाई पनि पोसिले खाना र स्वास्थ्य सामग्री समेत बितरण गरिएको वडा अध्यक्ष सनम सिं मुक्तानले बताउनु्भयो । संक्रमितलाई १ किलो चना, १५ वटा कुखुराको अण्डा, १५ पिस सर्जिकल मास्क, १ ओटा लाईफब्वाइसाबुन बितरण गरिएको हो ।

वडामा हालसम्म ७० जना संक्रमित रहेकोमा २ जना संक्रमितको पिसिआर रिपोर्ट नेगेटिभ आएको समेत वडा सदस्य दिपेन्द्रकुमार थिङले बताउनुभयो । कोरोना भाइृरस नियन्त्रणको पहिलो चरणमा कोरोना भाईरस संक्रमणबाट बच्न सचेतना सहित स्वास्थ्य सामग्री र पोसिलो खाना बितरण गरिएको र आगमी दिनमा कम्तीमा १० बेडको आईसोलेसन वार्ड बनाउने तयारी रहेको सदस्य थिङले बताउनुभयो ।