थाहा २ नम्बर वडाका जनप्रतिनिधि र शिक्षकका छोराछोरी अनिवार्य सामुदायिक विद्यालयमा

साङ्केतिक तस्वीर

थाहा नगरपालिकामा वडा न २ का  जनप्रतिनिधि तथा सामुदायिक विद्यालयमा कार्यरत शिक्षक शिक्षिकाहरुले आफ्ना छोराछोरी आगामी शैक्षिक सत्रदेखि अनिवार्य रुपमा सामुदायिक विद्यालयमा पढाउनुपर्ने निर्णय गरेको छ।

वडा न २ को मंगलबार बसेको वडा शिक्षा समितिको  बैठकले सो निर्णय गरेको वडा सदस्य तथा वडा शिक्षा समिती सदस्य युवराज बिष्टले  बताउनुभएको हो । उहाँले भन्नुभयो, "सामुदायिक विद्यालयको शैक्षिक गुणस्तर सुधार्नका लागि वडा शिक्षा समितिको  बैठकले उक्त निर्णय गरेको हो।"

"आगामी शैक्षिक सत्रबाट वडा मातहत रहेका  सामुदायिक विद्यालयका शिक्षक र जनप्रतिनिधिले अनिवार्य आफ्ना बालबालिका सामुदायिक विद्यालयमा भर्ना गर्नुपर्नेछ ।वहाँले भन्नू भयो।
साथै बैठकले अन्य सरकारी कार्यालयमा काम गर्ने कर्मचारी हरुलाइ पनि आफ्ना छोराछोरी सामुदायिक विद्यालयमा भर्ना गर्न अनुरोध गर्ने निर्णयपनी गरेको छ।
गत चैत ९ गते वडाको बैठकले वडा अध्यक्ष बम बहादुर सिन्तानको अध्यक्षतामा ७ सदस्यीय वडा शिक्षा समिती गठन गरेको थियो।जस्को सदस्यहरुमा वडा सदस्य युवराज बिष्ट,मत्स्यनारायण माबिका प्रधानाध्यापक बिष्णुहरी ढकाल,विद्यालय व्यवस्थापन समितिको अध्यक्ष बाट वीर बहादुर तामाङ,शिक्षा प्रेमी दिपेन्द्र राज प्रधान,जानुका ढकाल र सदस्य सचिव दिनेश महर्जन रहेका छन।