थाहा १ र ७ मा जाेखिमकाे उचित ब्यवस्थापन गर्न वडा कार्यालय तयार
राज कुमार के.सी.

थाहा नगरपालिका वडा नम्बर ७ का वडा अध्यक्ष सनम सिं मुक्तानले हाल मौसमबिदहरुले जेठ १५ सम्म भारि बर्षा, हावाहुरी, चट्याङ समेतको सम्भावना भइ उच्च जोखिम हुने पुर्व अनुमान गरे अनुसार हाल लगातार पानी परिरहेको र यसले मानबिय तथा भौतिक क्षति समेत हुन सक्ने भएकोले सचेत रहन वडाबासीलाई अनुरोध गर्नुभएको छ ।

आज सामाजिक संजाल फेसबुकमा कोरोना भाइरसले आक्रान्त पारिरहेको अवस्थामा प्राकृतिक प्रकोपको पनि डर भएकोले सुरक्षित रहन र कुनै समस्या भएमा वडा कार्यलयमा जानकारी गराउन आग्रह गर्नुभएको छ ।

अध्यक्ष मुक्तानले प्राकृतिक प्रकोपबाट उत्पन्न जोखिमको उचित ब्यवस्थापन गर्न वडा कार्यलय तयार रहेको बताउनु भएको छ ।

कुनै समस्या भएमा आफ्नो नजिकको जनप्रतिनिधिलाई तुरुन्त जानकारी गराई आफु र आफ्नो छिमिकलाई सुरक्षित राख्न वाडा सदस्य दिपेन्द्र कुमार थिङले वडाबासीलाई अनुरोध गर्नुभएको छ ।

यसैबिच थाहा नगरपालिका वडा नम्बर १का वडा अध्यक्ष हेरमान गोपालिले पनि प्राकृतिक प्रकोपका कारण बासस्थानको समस्या हुने वडाबासीलाई वडा कार्यालयको सम्पर्कमा आउन आग्रह गरेका छन् ।

गोपालीले सामाजिक संजाल फेसबुक मार्फत बासस्थान जोखिममा छ भने जोखिम मोलेर नबस्न आग्रह गर्दै जोखिमको बारेमा आफुलाई वा वडा सदस्यहरुलाई खबर गर्न आग्रह गरेका छन् । जोखिममा रहेकाहरुलाई उचित बसोबासको व्यवस्था गरिने समेत उनले बताएका छन ।