थाहा १२ मा सामाजिक सुरक्षा भत्ता आजबाट वितरण सुरु– आजै ७४ जनाले सुरक्षा भत्ता बुझे 

थाहा नगरपालिका वडा नं. १२ का एकल महिला, अपांङ्गता तथा जेष्ठ नागरिकको सामाजिक सुरक्षा भत्ता आजबाट वितरण सुरु गरिएको छ । वडाकार्यलयले असार ९ गते देखि ११ गतेसम्म भत्ता वितरण गर्ने सुचना प्रकाशन गरेसंगै आजमात्रै वडाभरिबाट ७४ जनाले सुरक्षा भत्ता बुझेका छन् । थाहा नगरपालिका वडा नं. १२ को रमणिय स्थानमा निर्माण भएको वडा कार्यलयमा भत्ता बुझ्न आएका नागरिकहरुलाई वडा अध्यक्ष मानबहादुर स्याङ्तान आफैले लाईन व्यवस्थापन गर्दै कागज पत्र व्यवस्थापन गरिदिनुभएको थियो । 
वडा कार्यलयले सुरक्षा भत्ता लिने नागरिकहरुलाई थप सहजताका लागि सिन्धु विकास बै‌कका प्रतिनिधलाई वडा कार्यलयमै उपस्थित गराई कार्यलयमै भत्ता वितरण गराउने प्रवन्ध मिलाईएको वडा अध्यक्ष मान बहादुर स्याङतानले बताउनु भयो ।

सम्पूर्ण एकल महिला, अपांग तथा जेष्ठ नागरिकको लागि गराईएको वितरण कार्यक्रम ११ गतेसम्मलाई रहेको र सम्पूर्ण वडाबासीहरुलाई सुचना पुर्याउनका लागि जनप्रतिनिधि र वडा कार्यलय क्रियाशिल रहेको वडा कार्यलय सहायक पूर्ण गालेले बताउनुभएको छ ।