थाहा नगर पालिकामा नागरिकता शिविर
नागरिकहरुद्वारा खुशी ब्यक्त

थाहा नगरपालिकामा बैशाख २१ र २२ गते दुईदिने नागरिकता शिविर आयोजना गरिएकोमा नागरिकता लिनेको भिडको कारण आज सम्म १ दिनको लागि थप भएको छ । 
   थाहा नगर पालिका प्रमुख लबशेर बिष्टको पहलमा जिल्ला प्रशासन कार्यालय र थाहा नगरपालिकाको समन्वयमा विकास घर शिखरकोटमा नागरिकता प्रमाणपत्र शिविर आयोजना गरिएको हो । 
    थाहा नगरपालिकाका प्रमुख लबशेर बिष्टले थाहा नगरपालिकाका नागरिकहरु नागरिकता लिनका लागि हेटौंडासम्म जानु पर्ने वाध्यताले आवस्यक नपरि नागरिकता नवनाउने धेरै पाइएकोले शिविरको आयोजना गरिएको बताउनु भयो । शिविर संचालनले धेरै जनाले सुविधा लिएको र नागरिकको चाहना अनुसार अनुसार काम गर्यो भने नागरिक खुशी हुने रहेछन् भन्दै नगर प्रमुख बिष्टले खुसि व्यक्त गर्नु भयो । शिविरको चापलाई मध्यनजर गरी १ दिन थप गरि नागरिकलाई सुविधा दिनको लागि अनुरोध गरिएको वताउनु भयो ।

   नागरिकता शिविरमा आउनेहरुले थाहा नगरपालिकाले सुविधा उपलव्ध गराएको खुशी व्यक्त गर्दै धन्यवाद व्यक्त गरेका छन् । थाहा ८ को बर्ष ७३ कि सञ्चमाया घलान तथा थाहा १० को बर्ष ६७ कि सरस्वती गमाल आज तेश्रो दिनको सिविर मार्फत नागरीकता लिन पाउदाको खुसी ब्यक्त गर्नु भएकी छिन ।
    पहिलो दिनको भन्दा दोश्रो दिन नागरिकता लिन आउनेको झन धेरै भिड लागेकोले नागरिकता वितरणमा समस्या भए पछि दोश्रो दिन बिहान लाइन बस्नेलाई टोकन ब्यवस्था  गरिएको थियो । लाइन थपिदै गए पछि दिउँसो थप टोकन बाँडीएको भएता पनि  नागरिकता लिन आउनेको वाक्लो उपस्थितिले नागरिक्ता वनाउन भ्याई नभ्याई भएको थियो । आज हिजो टोकन वितरण गरिएकाहरुको   नागरिकता बितरण गरिने वडा नम्बर ४ का वडा अध्यक्ष दिपक सिं लामाले जानकारी दिनु भयो  । सहायक जिल्ला अधिकारी विनोद कुमार खड्काको नेतृत्वमा आएका जिल्ला प्रशासन कार्यालयका    कर्मचारीहरुले नागरिकता वितरण गर्नका लागि सहज हुने व्यवस्था गरे पनि भिडको कारण लाईनमा बस्ने धेरैले नागरिकता लिन बाँकी रहेकोले कोही पनि बञ्चित नहुन भनेर एक दिन थप गरिएको नगर प्रमुख बिष्टले वताउनु भयो । नेपाली नागरिकले १६ बर्ष पुरा भएपछि   नागरिकताको प्रमाणपत्र लिने व्यवस्था रहेकोछ ।