थाहा नगरपालिकाको आयोजनामा ११२ औ अन्तर्राष्ट्रिय नारी दिवस मनाइयो।
गायन प्रतियोगितामा महिला जागृती प्रथम।

सामाजिक न्याय र लैङ्गिक समानता ,दिगो बिकासको सुनिश्चितता भन्ने मुल नाराका साथ ११२ औ अन्तर्राष्ट्रिय श्रमिक महिला दिवसको अबसरमा थाहा नगरपालिका सामाजिक बिकास साखा तथा महिला बालबालिका साखाको आयोजनामा महिला सहकारी स्तरिय सामुहिक गीत प्रतियोगिता तथा शुभकामना आदानप्रदान कार्यक्रम आज पालुङ जेसिजको सभाहलमा सम्पन्न भएको छ।
थाहा नगरपालिका सामाजिक बिकास संयोजक किरणमान बलको अध्यक्षता तथा नगर प्रमुख लवशेर बिष्ट को प्रमुख आतिथ्यतामा सम्पन्न कार्यक्रममा नेपाली काङ्ग्रेस प्रदेश २ क का उपसभापति इश्वरी ठकुरी ,नेकपा माओवादी केन्द्र निकट अनेमसंघ क्रान्तिकारी नगर अध्यक्ष शकुन्तला गोपाली,नेकपा एमालेका थाहा नगर नेतृ कल्पना बलामी ,लालिगुरास महिला बहुउद्देश्यीय सहकारी सस्थाका अध्यक्ष रिता प्रधान,थाहा नगरपालिका कार्यपालिका महिला सदस्य जानुका ढकाल ,तथा थाहा नगरमा निर्वाचित महिला जनप्रतिनिधि,महिला समूह हरुका अध्यक्ष  हरुको आतिथ्य रहेको थियो।कार्यक्रममा शुभकामना दिदै प्रमुख अतिथि लबशेर बिष्टले जनयुद्ध र जन आन्दोलन को जगमा संविधानमा नै महिला हक अधिकार सुनिश्चित गरिसकेकोले अब महिलाहरुले देश र समाजको नेतृत्व तहमा आफ्नो पहुँच पुर्याउन महिला अग्रसर हुनुपर्नेमा जोड दिदै न्यायमा महिलाहरुको समान पहुँच पुर्याउन आफ्नो सक्दो प्रयास हुने बताउनुभयो।कार्यक्रममा शुभकामना दिनेहरुले नगरपालिकाको उपल्लो तहमा महिलाको पहुँच नपुगेकोले  थाहा नगरमा आगामी स्थानिय निर्वाचनमा उपमेयरका उमेदवार जुनसुकै पार्टीले पनि महिलालाइ टिकट दिन आग्रह गरेका थिय ।
नारी दिवसको अबसरमा थाहा नगर भित्र रहेका ७ वटा महिला सहकारी हरुले नारी दिवसका अबसरमा आयोजित गित प्रतियोगितामा महिला हक अधिकार तथा राज्यको अङ्गहरुमा समान पहुँच को माग गित मार्फत अनुरोध गरेका थिय ।प्रतियोगितामा नगर भित्र रहेका महिला सहकारीहरु ,पुण्यश्री महिला सहकारी ,लाली गुराँस महिला बहुउद्देश्यीय ,चेतनशील महिला सहकारी ,कुटेश्वरी महिला सहकारी ,चन्द्रागिरी महिला सहकारी ,महिला शक्ति बचत ,तथा महिला जागृती उत्थान सहकारीको सहभागिता रहेको प्रतियोगितामा महिला जागृती उत्थान ले प्रथम स्थान हासिल गर्दै नगद २० हजार तथा प्रमाणपत्र प्राप्त गर्यो भने द्वितीय हुने कुटेश्वरी ले १० हजार तथा तृतीय हुने महिलासक्ती ले ५ हजार र प्रमाणपत्र हातपारे बिजयी हुने समूह तथा सहभागी हुने समूह हरुलाइ निर्णायक हरु संगीतकार तथा गायक ईश्वर खड्का तथा गायिका सोबिता गोपाली र कार्यक्रमका अध्यक्ष किरणमान बलले पुरस्कार प्रदान गर्नुभयको थियो।
थाहा नगरपालिकाको सामाजिक बिकास तथा महिला बालबालिका शाखाको आयोजनामा भएको कार्यक्रम लाई महिला तथा बालबालिका शाखाकि प्रमुख प्रतिमा मोक्तानले संचालन गर्नुभयको थियो।कार्यक्रममा थाहा नगरका महिलाहरुको उल्लेख्य सहभागिता रहेको थियो।