थाहा नगरका प्रमुख विष्टले आफ्नो ५ वर्षे कार्यकालभित्रै आग्रालाई विकासको पहुँचमा पु¥याउने

थाहा नगरपालिकाका प्रमुख लवशेर विष्टले आफ्नो ५ वर्षे कार्यकालभित्रै थाहानगरको साविक आग्रालाई विकासको पहुँचमा पु¥याउने आफ्नो लक्ष रहेको बताउनु भएको छ । जनप्रतिनिधिहरु आउने वित्तिकै थाहानगरका अन्य वडाहरुको तुलनामा आग्रा र टिस्टुङलाई विशेष प्राथमिकता दिएर काम गरिरहेको उहाँको भनाइ छ । 
थाहा नगरपालिकाको वडा नं. ७ स्थित वडा कार्यालयमा भएको मजुवा खोला खानेपानी आयोजना उपभोक्ता समिति गठनका लागि आयोजित कार्यक्रममा बोल्दै नगर प्रमुख विष्टले यस्तो बताउनु भएको हो । उहाँले आफ्नै कार्यकालमा शिक्षा, स्वास्थ्य, खानेपानी लगायत विकासको पूर्वाधारले आग्रालाई सम्पन्न बनाउने गरी काम भइरहेको र प्रगति पनि भइरहेको बताउनु भयो । 
थाहा ७ का वडा अध्यक्ष सनमसिं मोक्तानको अध्यक्षतामा सम्पन्न कार्यक्रममा प्रमुख अतिथि नगर प्रमुख विष्ट रहनुभएको थियो । कार्यक्रममा नेकपा मकवानपुरका प्रस्तावित सचिब विष्णु विष्ट आदर्श, वडा सदस्यहरु दिपेन्द्रकुमार थिङ, सुन्तलीमाया गरुङ, सानुकान्छा गोले, हरिमाया विक, च्वाइस नेपालका प्रतिनिधि लगायतको उपस्थिति रहेको थियो । 
कार्यक्रमबाट दीपेन्द्र स्याङ्तानको अध्यक्षतामा उपाध्यक्ष भरत कार्की, सचिब बल बहादुर गोङ्बा, सहसचिब अमिसा वाइबा, कोषाध्यक्ष लक्ष्मी स्याङ्तान गोले रहेको मजुवा खोला खानेपानी आयोजनाको उपभोक्ता समिति बगठन गरिएको छ । समितिको सदस्यहरुमा जानकाी गोतामे खत्र,ि  उग्रसिं ठकुरी, प्रताप सिं घलान, मान ब लो ,क्षेत्र ब मोक्तान र हिरालाल स्याङतान रहनुभएको छ । 
७ नं. वडा कार्यलय सचिब चन्द्रं बहादुर थिङले सञ्चालन गर्नु भएको कार्यक्रममा वडा सदस्य दिपेन्द्र कुमार थिङले स्वागत गर्नुभएको थियो । 
च्वाइस नेपाल, जिल्ला समन्वय समिति मकवानपुर, प्रदेश सरकार र थाहा नगरपालिकाको गरी कूल ४ करोड ७८ लाख रुपियाको लागतमा खानेपानी योजना सञ्चालन हुन लागेको हो । यो योजनाबाट ३ सय ८० घरधरी लाभान्वित हुनेछन्