थाहा कांग्रेसमा मेयरका आंकाक्षी ३ जना,गठबन्धन भए उप मेयर महिलानै उठाउने 

आसन्न स्थानिय निर्वाचनमा नेपाली कांग्रेसले थाहा नगरपालिकामा निर्वाचन तयारी तिव्र पारे सँगै उमेद्वारका आकांक्षीहरुले पनि सक्रियता देखाउन थालेका छन् ।  नेपाली काङ्ग्रेसले अघिल्लो निर्वाचनमा उपमेयर विजय भएको थियो भने यो निर्वाचनमा मेयर सहित प्यानल खडा गर्ने जनाएको छ ।  काग्रेसमा हालका उपमेयर खड्गबहादुर गोपालीले आफ्नो मेयरमा दाबी हुने बताउदै आएका छन  ।  गोपाली २०७४ सालको निर्वाचनबाट थाहा नगरपालिकाको उपमेयर पदका उम्मेदवार भएर निर्वाचित भएका थिए । उनले गठबन्धन हँुदा पनि पुनः उपमेयरमा उठ्ने चाहना नभएको भन्दै आफू मेयरमै उठ्ने बताए । 

‘अघिल्लो निर्वाचनमा पनि मेयर भनेर भोट मागेर हिँडियो । गठबन्धन हुँदा उपमेयरमा परियो,’ उनले भने, ‘म फेरि पनि उपमेयरमा उठ्न चाहन्न । अब म मेयरमा उठ्ने हो । 
नेपाली कांग्रेसबाट मेयरमा भरत गोपालीले पनि दावी गरेका छन् । गोपालीले थाहा नगरको मेयर पदमा दावी रहेको थाहापाटीलाई बताए । 
कांग्रेसबाटै पार्टीले टिकट दिए आफु पनि मेयरमा उठ्ने नेता भरत लामाले पनि ईच्छा देखाएका छन् । चुनाव नजिकिए सँगै टिकट हात पार्न  सबैको सक्रियता बढेको छ । 
स्थानिय निर्वाचनमा कांग्रेस एक्लै चुनाव लड्न तयार रहेको कांगे्रसका मेयरका  आकांक्षी भरत गोपालीले  बताएका छन् । पार्टी निर्वाचनका लागि मेयर उपमेयर सहित सबै वडामा सहभागिता सहित निर्वाचनमा होमिएको पनि उनले बताए । 
केन्द्रको निर्देशन अनुसार सत्ता गठबन्धन बिच चुनावी एकता भए स्वीकार्ने बताउदै मेयरको दावी भने नछोड्ने र उपमेयर पाए महिलानै उमेद्ेवार दिने  कांग्रेश नगर अध्यक्ष प्रमोद जोशीले बताए ।