थाहामा ७ र ८ गते कोरोना विरुद्धको खोप भेरोसिल लगाइने

साउन ७ । थाहा नगरपालिकामा येहि साउन ८ र ९ गते कोरोना भाईरस बिरुद्धको खोप भेरोसिलको पहिलो डोज लगाइने भएको छ ।

आज बिहिबार थाहानगर स्तरिय कोभिड -१९ नियन्त्रण तथा रोकथाम निर्देशन समितिको बैठकले खोप लगाउने निर्णय गरेको हो ।

तेस्तै समितिले एक डोज मात्रै लगाए हुने अमेरिकन खोप जोन्सन एण्ड जोन्सन खोप पनि येहि साउन १३ र १४ गते लगाउन स्वास्थ्य शाखालाई निर्देशन दिएको छ ।

थाहा नगरपालिका प्रमुख तथा निर्देशन समितिका संयोजक लबशेर बिष्टको अध्यक्षतामा बसेको बैठकले कोरोना भाइरस नियन्त्रणको सन्दर्भमा हालसम्म गरेको कार्यहरुको समिक्षा गरेको थियो ।

बैठकले जिल्ला प्रशासन कार्यालयको निर्देशन बमोजिम साउन १४ गतेसम्म निषेधाज्ञा थप गर्ने निर्णय समेत गरेको छ ।

भोलि शुक्रबार र शनिबार ५५ बर्ष उमेर माथिका नागरिकहरुलाई खोप लगाइने थाहानगरपालिका स्वास्थ्य शाखा प्रमुख मेघराज बलामीले बताउनुभयो । खोप पालुङ प्राथमिक स्वास्थ्य केन्द्र दोबाटो, बज्रबाराहि स्वास्थ्य चौकी, टिष्टुङ स्वास्थ्य चौकी, चित्लाङ स्वास्थ्य चौकी र पालुङ स्वास्थ्य चौकीमा लगाइने बलामीले बताउनुभयो ।
उहाँले भेरोसिलको ५६० डोज थाहा नगरमा आएको समेत बताउनुभयो ।