थाहामा हुन लागेको राष्ट्रिय कवि सम्मेलनको तयारी पुरा
आसार ७ मा देशभरका साहित्यकार थाहानगरमा जम्मा हुँदै

थाहा नगरपालिकामा हुन लागेको राष्ट्रिय कवि सम्मेलनको तयारी पुरा भएको आयोजकले बताएको छ । थाहा आन्दोलनका अगुवा स्वर्गिय रुपचन्द्र विष्टको स्मृति दिवसको अवसर पारेर राष्ट्रिय कवि सम्मेलन गर्न लागिएको हो । सम्मेलन असार ७ गते विकास घर शिखरकोटमा हुने थाहा नगरपालिका प्रमूख लवशेर विष्टले जानकारी दिनुभयो । थाहा नगरपालिका र पालुङ साहित्य परिषद्को संयुक्त आयोजनामा हुनलागेको सम्मेलनमा देशका सातै प्रदेशका साहित्यकारहरुको सहभागिता रहने पालुङ साहित्य परिषद्का अध्यक्ष बिर्खे अञ्जानले जानकारी दिनु भएको छ । थाहानगरमा लामो समयदेखि साहित्यको क्षेत्रमा क्रियाशील साहित्य परिषद्ले यस पटक भने राष्ट्रिय कवि सम्मेलन गर्न लागेको अध्यक्ष अञ्जानले जानकारी दिनु भएको छ । राष्ट्रिय कवि सम्मेलनले मकवानपुरको उत्तरी क्षेत्रको पर्यटन प्रवद्र्धनमा समेत टेवा मिल्ने विश्वास आयोजकले लिएको छ । थाहा नगरमा नै पहिलो पटक आयोजना गर्न लागिएको सम्मेलनको दामन एफ.एम. ९०.८ मेगाहर्जले प्रत्यक्ष प्रशारण गर्ने भएको छ ।