थाहामा माओवादी केन्द्रबाट मेयरमा सिफारिस,  वडा अध्यक्ष कतै टुङ्गियो कतै बाँकी 

माओवादी केन्द्रले थाहानगरमा मेयरका लागि ३ जानको नाम सिफारिस गरेको छ । नगरम मेयरका आंकाक्षी ३ जना भए पछि प्रदेश समिति समक्ष ३ जानको नाम सिफारिस गरेको हो । 
 सिफारिसमा पर्नेहरुमा निवर्तमान नगर अध्यक्ष अरुण रायमाझी, बागमती प्रदेश सदस्य विष्णु विष्ट र हालका ३ नम्बर वडा अध्यक्ष राजेश केसीको नाम सिफारिस गरिएको  माओवादी केन्द्रले जनाएको छ  । 
सहमतीका लागि छलफल भए पनि तिनै आंकाक्षीले छोड्न नचाहेपछि तिनै जानको नाम  सिफारिस गरिएको हो । 
हालका मेयर लवशेर विष्टले  पुनः नदोहोरिने मनसायन व्यक्त गर्दै आएका छन् । 
गठबन्धनको कुरा चलिरहेको र थाहा नगरमा मेयर माओवादीले पाउने लगभग पक्का पक्क जस्तै भए पछि उपप्रमुखमा भने कुनै छलफल नभएको जनाइएको छ । सत्ता साझेदार दलहरुबीचको गठबन्धनको टुङ्गोे नलाग्नाले उपप्रमुखमा कुनै छलफल नभएको हो । 
यसैगरी, वडा नम्बर १,  ९, ११ र १२ मा माओवादी थाहानगरले सर्वसम्मत उम्मेदवार सिफारिस गरेको छ । वडा नम्बर १ मा हेरमान गोपाली,  ९ मा राजकुमार बलामी, ११ मा दिनेश बल र १२ मा हिरामान लामाको नाम सर्वसम्मत सिफारिस गरेको हो । १, ११ र १२ का उमेदवारहरु २०७४ सालकै स्थानीय तह निर्वाचनका हुन् । वडा नम्बर १ का विजयी उमेद्वार हुन् भने ११ र १२ का २०७४ को पराजित उमेद्वार हुन् ।

यसैगरी वडा नम्बर २ मा बम बहादुर सिन्तान र बिष्णु बहादुर बस्नेत,३ मा सहमती हुन नसकेपछि  हिरेन्द्र रायमाझी, लक्ष्मण विष्ट, राजिव स्याङ्दानको नाम सिफासि गरिएको छ ।  वडा नम्बर ४ मा जमिन दियाली र नारायण बहादुर लामा, ५ नम्बरमा मुकेश गोले र मान सिं दोङ, ६ नम्बरमा दामोदर सुवेदी र इन्द्रबहादुर श्रेष्ठ, ७ नम्बरमा दिपक लामा र बिनायक गोले, ८ नम्बरमा सुमन कार्की र टिकाराम रुम्बा, १० नम्बरमा मङगलाल गोपाली र सुशिला गोपालीको नाम सिफारिस भएको छ । सुवेदी र रुम्बा पनि पुरानै अनुहार हुन् भने अरु सबै नयाँ अनुहार हुन् । सुवेदी ०७४ का पराजित र रुम्बा विजयी उमेद्वार हुन् ।