थाहामा आज थप ८ जनामा कोरोना संक्रमण पुष्टि 

थाहा नगरपालिकामा आज थप ८ जनामा कोरोना संक्रमण पुष्टि भएको छ । आज  प्राथमिक स्वास्थ्य केन्द्र पालुङमा १० जनामा गरिएको एन्जिेन्ट परीक्षणमा ७ जना र बज्रबाराहिमा ४ जनामा गरिएको परीक्षणमा १ जनामा गरि ८ जनामा कोरोना संक्रमण पुष्टि भएको प्राथमिक स्वास्थ्य केन्द्र पालुङका ल्याव असिष्टेन्ट अनुपा तिमल्सिनाले  बताउनुभएको छ  । 
त्यस्तै आज थाहा नगरपालिका वडा न.. ३ का दुईजना संक्रमितहरु नगरपालिकाको बज्रबाराहिमा रहेको आईशोलेशन वार्डमा भर्ना भएका छन् । यो संगै नगरपालिकाको २० बेड क्षमता भएको आईशोलेशनमा ११ जना संक्रमितहरुले सेवा लिईरहेका छन् । त्यस्तै मकवानपुर जिल्लामा आजमात्रै थप ६८ जनामा कोरोना भाइरस संक्रमण पुष्टि भएको छ । मकवानपुरमा पछिल्लो २४ घण्टामा ६८ जनामा कोरोना पुष्टि भएको स्वास्थ्य कार्यलय मकवानपुरले जनाएको हो । कुल २१६ जनामा कोरोना परिक्षण गर्दा ६८ जनामा पुष्टि भएको र पुष्टि हुनेहरुमा सबैभन्दा बढी ३३ जना हेटौंडा उपमहानगरपालिका भित्रका रहेका छन् । यसैगरि १३ जना मनहरी गाउँपालिकाको, मकवानपुरगढी गाउँपालिकाका ४ जना, थाहा नगरपालिकाका ६ जना ,बकैया गाउँपालिकाको ६ जना, कैलाश गाउँपालिकाको १ जना, भीमफेदी गाउँपालिकाको ३ जना र राक्सिराङ्ग गाउँपालिकमको २ जना रहेको स्वास्थ्य कार्यलयले जनाएको छ । यो संगै मकवानपुरमा कोरोना पुष्टि हुनेको संख्या १० हजार ६ सय ११ पुगेको छ । जिल्लामा हालसम्म ९ हजार ४ सय १० जनाले कोरोना जितिसकेका छन् । पछिल्लो २४ घण्टामा मकवानपुर जिल्लामा मात्रै ९८ जनाले कोरोना जितेका छन् । जिल्लामा पछिल्लो २४ घण्टामा कोरोनाबाट एक जनाको मृत्यु भएको छ । मकवानपुरमा हालसम्म १ सय २१ जना संक्रमितको मृत्यु भएको छ । त्यस्तै पछिल्लो २४ घण्टामा देशभर थप १ हजार ५ सय ११ जनामा कोरोना संक्रमण पुष्टि भएको छ भने ४६ जनाको मृत्यु भएको छ ।  पछिल्लो थप २४ घण्टामै ३ हजार ५ सय ५८ जना कोरोना संक्रमण मुक्त भएका छन् । त्यस्तै देशभर संक्रमण मुक्त हुनेको संख्या भने ५ लाख ६८ हजार ४४० पुगेको छ ।