थाहानगरलाई स्वास्थ्य सामग्री हस्तान्तरण

मकवानपुरमा कोरोना संक्रमण दर निक्कै बढेपछि थाहानगर घर भई काठमाडौमा बस्ने युवाहरुको समुहले बुधबार स्वास्थ्य सामग्री हस्तान्तरण गरेको छ । काठमाडौंमा बसेर विभिन्न सामाजिक कार्यमा कृयाशील थाहा युथ इन्भेस्टमेन्ट ग्रुपले नगर प्रमुख लवशेर विष्टलाई सो सामग्री हस्तान्तरण गरेको हो ।

ग्रुपका अध्यक्ष कृष्ण कार्कीलगायतले नगरपालिकामा नै पुगेर ८ हजार पिस माक्स, २५ लिटर सेनिटाइजर, १० थान पिपिइ सेट, थर्मल गन एउटा र अक्सीमिटर एउटा सहयोग गरेको हो । अध्यक्ष कार्कीले आफ्नो नगरमा संकटको घडीमा सहयोग हस्तान्तरण गर्न पाउँदा खुसी लागेको बताउदै भविष्यमा पनि सकेको सहयोग गर्ने बताए ।

यसैगरी, बुधबार नै थाहा नगरपालिका वडा नम्बर ३ का सन्जिव कार्कीले आफ्नी आमा सुन्तली कार्कीको सम्झनामा स्वास्थ्य सामग्री सहयोग गरेका छन् । कार्कीले काठमाडौंबाट मास्क ६ पाकेट, १९ थान अक्सिमिटर, सेनिटाइजर २० लिटर पठाएर सहयोग गरेका हुन् । आफ्नो नगरलाई सहयोग गरेका दुवै सहयोगीप्रति धन्यवाद दिदै प्रमुख विष्टले यो महामारीलाई सबै मिलेर परास्त गर्न आवश्यक रहेको बताए । थाहानगरमा पछिल्लो समय कोरोना संक्रमण नियन्त्रण बाहिर जान लागेपछि निषेधाज्ञा कडाई गर्दै जेठ १५ गते राती १२ बजेसम्म औषधि र कृषि उत्पादन बाहेक अन्य सबै पसल व्यवसाय बन्द गरेको छ ।