थाहाका वडा अध्यक्ष बल, बिरामीको सेवामा आफैं अटो चलाउदै

थाहा ११ का वडा अध्यक्ष दिनेश बल आफैं अटो चलाएर बिरामीका आफन्त सहित शिखरकोटको विकासघरबाट अक्सिजन मेशिन लिएर निस्कदा उनि मुस्कुराईरहेका छन् । 
उनको यो खुसी आफ्नै वडाबसीलाई सहयोग गर्न सफल भएकोमा देखिन्थ्यो । वडाबसीको पिडाले चिन्तामा थिए पहल गरें सहयोग मिल्यो अहिले खुसी लागेको छ उनि भन्छन् । 
 थाहा नगरपालिका वडा नं. ११ देउरालीकि ६४ वर्षिया काईली तामाङ दमको बिरामी हुनुभएको लामो समय भएको थियो । लगातार अक्सिजन लगाईरहनु पर्ने भएका कारण दिनमा एउटा अक्सिजनको सिलिण्डर व्यवस्था गर्नुपर्ने भएकाले परिवारका सदस्यका लागि बिरामीको चिन्ता सँगै समय र श्रमको व्यवस्थापन निकै कठिन बनिरहेको थियो । विरामीका परिवारले यही गुनासो गर्दा वडा अध्यक्ष बललाई समस्या समाधान कसरी गर्ने भन्ने चिन्ता थियो । आज त्यही चिन्ता समाधान भएको छ अनि खुसी भए मुस्कुराउदै अटोमा अक्सिजन मेशिन हाल्दै अटो अगाडी बढाउदै अध्यक्ष बलले भने । 
थाहा नगरपालिका शिखरकोटमा पाटन स्वास्थ्य बिज्ञान प्रतिष्ठानको सहयोगमा थाहा नगरपालिकाको समन्वयमा समुदायमा आधारित प्रसामक सेवा कार्यालयमा सम्पर्क गरे एउटा अक्सिजन मेशिन भएको थाहा पाए मोटरसाईकलमा ल्याउन नसकिने बुझे पछि चिनजानका साथीलाई अटो भने तर अटो त छ आफ्नु फुर्सद छैन भने पछि उनी आफैं अटो लिएर निस्केको बताउछन् ।  वडा अध्यक्ष वलको प्रयासको विरामीका आफन्तले प्रशंसा गरेका छन् ।