थाना वजारकाे पार्कमा बुद्ध मुर्ति अनावरण

शम्भु अधिकारी -

    थाहा नगरपालिका थाना वजार स्थित मुख्य चोकमा निर्माण गरिएको पार्क तथा बुद्ध  मुर्तिको आज शनिवार सांसद विरोध खतिवडाले अनावरण गर्नु भएको छ ।

   थाहा नगरपालिका वडा नम्बर ३ र ४ को बिचमा पार्क तथा बुद्ध  मुर्तिको अनावरण गर्दै प्रमुख अतिथि खतिवडाले  बुद्घको उपदेशलाई विश्वमानै फैलाउनका लागि अभियान चलाउनु पर्ने आवस्यक रहेको वताउनु भयो । अव देशमा समृद्घिका लागि अगाडी बढ्नु पर्ने भन्दै देशमा बुद्धले मार्गदर्शन गर्नु भएको शान्तिको वाटो हिंड्नु पर्ने वताउनु भयो । कार्यक्रममा प्रमुख अतिथि सांसद खतिवडाको साथै विशिष्ट अतिथि थाहा नगर प्रमुख लवशेर विष्टले अनावरण सहित पार्कमा जिल्ला वनस्पति कायालयले प्रदान गरेको विरुवा रोप्नु भएको   थियो ।

नगर प्रमुख बिष्टले थाहा नगरपालिकामा बुद्ध  मुर्ति राख्नका लागि सहयोग गर्ने तथा निर्माणमा सक्रिय स्थानिय बासिन्दा लगायत सबैलाई धन्वाद् ब्यक्त गर्नु भएको छ ।

कार्यक्रममा थाहा नगरपालिका उप–प्रमुख खड्ग बहादुर गोपाली, नेकपा एमाले जिल्ला सदस्य अनन्त पौडेल, पालुङ बहुउद्देश्यीय सहकारी संस्थाका अध्यक्ष बिमल कुमार ढकाल, थाहा नगर उद्योग बाणिज्य संघका अध्यक्ष कविराज खत्री, पालुङ जेसिजका संस्थापक अध्यक्ष पुरुषोत्तम ढकाल, निवर्तमान अध्यक्ष अञ्जल प्रधान, पर्यटन व्यवसायी भरत गोपाली, लाइन्स क्लव अफ लर्ड बुद्ध  मकवानपुरका अध्यक्ष तथा बुद्ध  मुर्ति सहयोग गर्नु हुने ज्योतीरत्न बज्राचार्य, सचिव सुकदेव पोखरेल  लगायत स्थानियको वाक्लो उपस्थिती रहेको थियो ।

देशका विभिन्न ठाउँमा गरी १०८ वटा बुद्ध  मुर्ति राख्ने आफ्नो योजना अनुसार हाल थाहा नगरको सहित १० वटा विभिन्न ठाउँमा राखिएको बज्राचार्यले बताउनु भयो ।