थाहामा पत्रकारहरुलाई अभिमुखीकरण

थाहा नगरपालिकामा कार्यरत पत्रकारहरुलाइ मानसिक स्वास्थ सम्बन्धि तथा मानसिक रोग ब्यबस्थापन बारे अभिमुखीकरण कार्यक्रम सञ्चालन गरिएको छ ।
थाहा नगरपालिकाको आयोजना ,लोटस हार्ट को ब्यबस्थापन तथा टप नेपालको सहयोगमा  थाहा नगरपालिका क्षेत्रमा रहि विभिन्न संचारमाध्यममा कार्यरत पत्रकार हरुलाइ मानसिक स्वास्थ सम्बन्धि तथा मानसिक रोग ब्यबस्थापन बारे अभिमुखी कार्यक्रम गरिएको हो ।
आत्महत्या निरुत्साहित गर्न संचारकर्र्मी र संचार माध्यम को भुमिका र प्रभाव र समाचार लेखनमा आत्महत्या लाई सामान्यकरण सम्बन्धि मनोचिकित्सक डा कमल गौतम,डा बिना श्रेष्ठ ,डा कुन्सान ले सहजीकरण गर्नु भएको थियो ।
आत्महत्या लाई अपराध को रुपमा नहेरी मानसिक समस्या को रुपमा हेर्ने र यस्लाइ संचारकर्र्मीहरुले जनस्वास्थ्य सरोकार को विषय मा लैजान जोड दिईएको थियो ।
 अभिमुखीकरणमा  आत्महत्यालाई न्यूनीकरण गर्न सकिने भएकाले पत्राकारहरुले पनि सो विषयमा कलम चलाउनु पर्ने  मनोचिकित्सक डा गौतमले बताउनु भयो ।  कार्यक्रममा पत्रकारहरुले आत्महत्या को समाचार लेख्दा कसरी बिचार पुर्याउनुपर्छ भन्ने जानकारी दिईएको थियो  भने आत्महत्या हेल्पलाइन १११६ मा निशुल्क कल गरेर परामर्श लिन सकिने जानकारी दिइयो ।