जनकल्याण माबिलाई सातौं पटक राष्ट्रपति रनिङ शिल्डको उपाधी

थाहा नगरपालिकामा आयोजना भएको सातौं राष्ट्रपति रनिङ शिल्ड तथा मेयरकप भलिबल प्रतियोगितामा जनकल्याण माध्यमिक विद्यालयले पदक तालिकामा अग्रस्थानमा रहदै राष्ट्रपति रनिङ शिल्डको उपाधी हात पारेको छ।
जनकल्याणले २८ स्वर्ण सहित ८ रजत र १० कास्य पदक सहित अंक तालिकामा शिर्ष स्थानमा रही सातौं पटक शिल्ड उचालेको हो।
गत ६ बर्षको साविक बिजेता रहेको जनकल्याणले सातौं पटक अत्याधिक स्वर्ण सहित उपाधी हात पारेको हो। 
प्रतियोगितामा स्वच्छन्द भैरव माबी चित्लाङले ८ स्वर्ण ,५ रजत र १ कास्य सहित दोस्रो भयो भने २ स्वर्ण ७ रजत ९ कास्य सहित तेस्रो हुन सफल रह्यो।
प्रतियोगितामा प्रथम भएसंगै जनकल्याणले नगद २५ हजार सहित शिल्ड,मेडल तथा प्रमाणपत्र प्राप्त गर्यो भने दोस्रो भएको स्वच्छन्द भैरवले नगद १५ हजार सहित शिल्ड मेडल र प्रमाणपत्र तथा तेस्रो भएको सुनौलाले नगद १० हजार सहित मेडल तथा प्रमाणपत्र प्राप्त गर्यो।
तेसैगरी राष्ट्रपति रनिङ शिल्डमै अंक जोडिनेगरी भएको मेयरकप भलिबलको उपाधी छात्र तर्फ स्वच्छन्द भैरव माबी चित्लाङ र छात्रा तर्फ मत्स्यनारायण माबिले उपाधी हात पारेको छ।
प्रतियोगितामा छात्र तर्फ स्वच्छन्दले मत्स्यनारायण माबी लाई र छात्रा तर्फ मत्स्यनारायणले बागेश्वरी माबी टिस्टुङलाइ पराजित गर्दै उपाधी जितेको हो।
उपाधी जितेसंगै प्रथम हुनेले १५/१५ हजार नगद र द्वितीय हुनेले नगद १०/१० हजार सहित शिल्ड तथा प्रमाणपत्र प्राप्त गरेका छन।
कार्यक्रममा बिजयी खेलाडी तथा विद्यालयलाई प्रमुख अतिथी नगर प्रमुख बिष्णु बिष्ट र उपप्रमुख भरत गोपाली सहित अन्य अतिथिहरुले पुरस्कार वितरण गर्नुभएको थियो।
नगर खेलकुद विकास समितिका संयोजक टिकाराम स्याङ्तानको अध्यक्षतामा सम्पन्न पुरस्कार वितरण समारोहलाई कार्यपालिका सदस्य अनिता बलले संचालन गरेकी थिइन।
२९ कार्तिक देखि संचालन भएको प्रतियोगिता ३ दिन सम्म चलेको थियो भने प्रतियोगितामा नगरपालिकाका १६ वटा माध्यामिक विद्यालयको सहभागिता रहेको थियो।