जनकल्याणको स्वर्ण जयन्तीको तयारी तिब्र

   थाहा नगरपालिका घट्टेचौर स्थित जनकल्याण प्राविधिक तथा साधारण माध्यमिक विद्यालयले माघ १५ गते मनाउन लागेको स्वर्ण जयन्ती तयारी तिव्र पारेको छ ।
   स्थापना को ५० औ बर्ष को अबसरमा सप्ताह व्यापी विभिन्न कार्यक्रम सहित भव्यरुपमा माघ १५ देखि २१ गते सम्म मनाउने तयारी भैरहेको छ । पौष १२ गते देखी विद्यालय सेवा क्षेत्र अन्तर्गतका, पकने, डांडावास, चित्लाङ, नौखण्डे लगायतका ठाउंहरुमा विद्यालयका शिक्षकहरुको टोली विद्यालयहरुमा गई निमन्त्रणा गर्नुको साथै शुभकामना संकलन गरिएको शिक्षक मनोज रायमाझीले जानकारी दिनु भयो । 
   विभिन्न प्रातियोगितात्मक कार्यक्रमको स्पोन्सर खोज्ने क्रममा जिल्ला स्तरीय छात्र भलिवलको प्रथम पुरस्कार ५० हजारको लागि थाहा नगरपालिका ४ का कृष्णध्वज कार्की,ले सहयोग गर्नुहुने भएको छ । यसैगरि द्वितिय पुरस्कार २५ हजारको लागि साझा टे«ड कन्सर्न थाना बजार का प्रोप्राइटर बिक्रम के.सी.ले सहयोग गर्नु भएको छ । यसैगरी हाजिरी जवाफ प्रतियोगीताको लागि थाहा नगरपालिका १ का धर्मलाल प्रधान र एकल गायन प्रतियोगिताको लागि जजुभाई प्रधानले  सहयोग गर्नुहुने भएको छ । 
  यसैगरि तयारीको लागि पौष १५ गते काठमाण्डौंमा पूर्व विद्यार्थी भेला सम्पन्न भएकोछ भने २०५७ सालको व्याजको विद्यार्थीको भेला यही पौष २२ गते सनिवार बिहान ११ बजे विद्यालयको प्राङगणमा शिक्षक संगम कार्कीको संयोजकत्वमा हुने भएको छ ।  
   स्वर्ण जयन्तीको लागि विद्यालयले पूर्व विद्यार्थी, शिक्षक, छिमेकी विद्यालय, सरोकारवाला सबैलाई सहयोग र सभागीताको लागि अनुरोध गरेको छ  ।