चित्लाङ-थानकोट सडक:-श्रोत सुनिश्चितता सहित बहुवर्षिय ठेक्का अगाडि बढाउन प्रधानमन्त्री समक्ष आग्रह

फोटो:-महेश वर्तौलाको आधिकारिक फेसबुक

चित्लाङ चन्द्रागिरी थानकोट सडक(गणेशमान मार्ग) स्तरीकरणको लागि तत्काल बजेट छुट्टाउन माग गर्दै मकवानपुरका पुर्व जनप्रतिनिधि तथा हालका जनप्रतिनिधिहरुले प्रधानमन्त्री प्रचण्ड संग आग्रह गरेका छन।
आज प्रधानमन्त्री प्रचण्ड संग मकवानपुर क्षेत्र न २ का सांसद महेश कुमार वर्तौला सहित संविधानसभा सदस्य  द्वय रामनारायण विडारी,सुवासचन्द्र ठकुरी,थाहा नगरपालिकाका प्रमुख बिष्णु बिष्ट,ईन्द्रसरोवर गाउँपालिकाका अध्यक्ष देवकृष्ण पुडासैनी,नेपाली काङ्ग्रेसका नेता जयराम लामिछाने थाहा नगरपालिका वडा न ९ का अध्यक्ष राजकुमार बलामी,लगायतकाले प्रधानमन्त्री भेटी तत्काल ८ देखि १० करोड रुपैयाँ मर्मतको लागि उपलब्ध गराइ ४० करोड रुपैयाँ बराबरको श्रोत सुनिश्चितता सहित  बहुवर्षिय ठेक्का अगाडि बढाउन आग्रह गरिएको सांसद वर्तौलाले जानकारी दिएका छन।
प्रधानमन्त्री बाट सरकारको तर्फ बाट आबश्यक बजेट उपलब्ध गराउने प्रतिबद्धता आएको सांसद वर्तौलाले बताउदै अब  जस-अपजसको सानातिना   खेतिपातीतिर होइन सबै मिलेर सडक स्तरिकरणका लागि सरकारलाई दबाब सिर्जना गरेर आवश्यक बजेट  सुनिश्चितता गर्न एकीकृत पहलकदमी र खबरदारीका लागि निरन्तर पहल कदमी गरिरहने बताए।

गत शनिवार मात्रै काठमाडौंबाट थानकोट चन्द्रागिरी हुँदै चित्लाङ जाँदै गरेको प्र ३–०१–२३ च ६९८५ नम्बरको जिप अनियन्त्रित भई सडकबाट करिब ५ सय मिटर तल खसेको थियो । यो दुर्घटना उक्त सडकको सेतो पहरा नामको स्थानबाट भएको थियो ।

दुर्घटनामा चार जनाको घटनास्थलमै मृत्यु भएको थियो । दुर्घटनामा काठमाडौं मैतीदेवीका ६७ वर्षीय ओमकारनिधि तिवारी र ६४ वर्षीया कल्पना तिवारी तथा लाजिम्पाटका डा। महेशकुमार गौतम र चार वर्षीय प्रियान्स गौतमको मृत्यु भएको थियो । दुर्घटनामा घाइते ६ वर्षीया स्मारिका गौतमको उपचार क्रममा बयोधा अस्पतालमा मृत्यु भयो । कारबाट ओर्लेकी स्मारिकाकी आमा डा