चित्लाङमा चोरीको मोटरसाइकल बाट पाटपुर्जा झिकी अदलाबदली गर्ने वर्कसप संचालक पक्राउ

चोरीका मोटरसाइकलको पाटपुर्जा अदलाबदली गरेको भन्दै थाहाको वडा न ९ चित्लाङ बाट वर्कसपका संचालकलाई पक्राउ गरिएको छ।
ईलाका प्रहरी कार्यालय पालुङले दिएको जानकारी अनुसार थाहा नगरपालिका वडा न ९ चित्लाङको माझगाउँमा रहेको डि एन आर मोटरसाइकल वर्कसपका संचालकलाई पक्राउ गरि आवश्यक अनुसन्धान भैरहेको प्रहरीले जनाएको छ।
चोरीका मोटरसाइकल बाट पाटपुर्जा झिकी अदलाबदली भैरहेको भन्ने निवेदनको आधारमा ईलाका प्रहरी कार्यालयका प्रहरी नायव निरीक्षक नारायण प्रसाद ढकालको टोली र स्थानिय समेतको रोहवरमा वर्कसप भित्र खानतलासी गर्दा JLXCML 17824 नम्बरको इन्जिन एक थान,MD2A13EX4MCJ99514 नम्बरको च्यासिस एक थान,च्याचिस नम्बर MD2A36FX8MCL80724 भएको इन्जिन नरहेको अवस्थामा फेला परेको बा प्र ०२-०२४ प ६८२२ नम्बरको एन एस २०० मोटरसाइकल एक थान,च्याचिस नम्बर OOH20C21793 र इन्जिन नरहेको बा १० प ४५०१ नम्बरको कालो हिरो होन्डा बाइक,इन्जिन नम्बर 1L1532828 नम्बर रहेको कालो रंग दलि च्याचिस नम्बर हेर्न नमिल्ने बनाएको बा ६ प ६४५६ नम्बरको कालो आर एक्स यामहा वास्तविक स्वरुप परिवर्तन गरिएको अवस्थामा एक थान,मोटरसाइकलको टाएर ८ थान,लगायत श्रोत नखुलेको सामान बरामद गरिएको प्रहरीले जनाएको छ।
पक्राउ परेका वर्कसप संचालकलाई थप अनुसन्धानको लागि प्रहरी कार्यालय पालुङमा राखिएको प्रहरीले जनाएको छ।