को हुन? थाहा नगरका उपमेयरका उमेदवार भरत गोपाली(के छ भिजन?)

२०३४ साल मङ्सिर १ गते तत्कालीन पालुङ्ग गाउँ बिकास समिति वडा न २ टाखेल हाल थाहा नगरपालिका २ मा बुबा सेर बहादुर गोपाली तथा आमा पञ्चमाया गोपालीको कोखबाट जन्मिएका भरत गोपाली ३ दाजुभाइ मध्य कान्छो सन्तान हुन श्रीमती रत्न गोपाली सङ्ग बिवाह बन्धनमा बाधिनु भै ३ छोरीको पिता रहेका गोपाली थाहा नगरका कुशल ब्याबसायी तथा समाजसेवी हुन।
२०४८ सालबाट नेपाली काङ्ग्रेसको पालुङ्ग गाउँ कमिटी सदस्य भै राजनीतिक यात्रा थालनी गरेका गोपाली नगर भित्र र बाहिरका विभिन्न सामाजिक तथा अन्तर्राष्ट्रिय संस्थाहरुमा रहि आफ्नो क्षमता प्रस्तुत गरिसकेका ब्यक्ति हुन।
थाहा नगर उद्योग बाणिज्य संघका बर्तमान कोषाध्यक्ष रहेका गोपाली पालुङ्ग बहुमुखी क्याम्पस संचालक समितिको सदस्य,पालुङ्ग भ्याली हार्ट एकेडेमीका संस्थापक अध्यक्ष ,पालुङ्ग जेसिज बर्ष २००८ का अध्यक्ष ,लायन्स क्लब अफ पिस खानिखोलाका पुर्व अध्यक्ष ,लायन्स क्लब अफ पिस थाहाका सल्लाहकार रहि आफ्नो कार्य कुशलता प्रस्तुत गर्दै आइरहेका गोपाली थाहा नगरका युवा हरु माझ चिरपरिचित अनुहार हुन।
आसन्न स्थानिय निर्वाचनमा थाहा नगरको बिकासको लागि आफ्नो स्पष्ट भिजन र उद्देश्य सहित गठबन्धन दल नेपाली काङ्ग्रेसको तर्फबाट थाहा नगरको उपमेयर पदमा आफ्नो उम्मेद्बारी प्रस्तुत गरि चुनावी मैदानमा होमिनु भएको छ।
थाहा नगरको कृषि ,पर्यटन ,स्वास्थ्य ,शिक्षा ,बिकासको नारालाई ,नारामा मात्र सिमित नराखी ,व्यबहारमा उतार्ने प्रणका साथ चुनावमा होमिएका गोपालीले महिला सहकारी प्रबद्र्धन कार्यक्रम संचालन गर्नको लागि 
सरकार, सहकारी र निजी क्षेत्र साझेदारीमा उद्योग सञ्चालन गरि रोजगारी सिर्जना गर्ने, न्याय सेवालाई सबैको पहुँचमा बिस्तार गर्ने,नगरको भौगोलिक अवस्था अनुरुपको पर्यटन क्षेत्रको विकासमा ध्यान दिने ,उत्पादन पकेट क्षेत्र बनाई लागानी व्यवस्थापन गरि नगरका युवा हरुलाइ कृषि मा प्रोत्साहन गरि स्वरोजगार बनाइ ,कृषि आधुनिकीकरण मा जोड दिने ,नगरमा  रहेको भाषा, संस्कृति र पर्यटकीय स्थलको विकास गर्न र धार्मिक पर्यटन प्रबर्द्धन गर्न ध्यान केन्द्र खोल्ने,साथै यहाँको हावापानी सुहाउँदो प्राकृतिक चिकित्सालय खोल्न जोड दिने, युवालाई प्रविधिमा जोड्दै पशुपालन तथा कृषि उद्यममा लगाउने नीति बनाउनेका साथै सीप भएका तर लगानी गर्न नसक्नेहरुको पहिचान गरेर,स्वरोजगार श्रीजना गर्ने ,नगरभित्र रहेका धार्मिक स्थलहरुलाइ ब्यबस्थापन गर्नेका साथै नगरभित्र रहेका खोलानाला लाई बागमती र बिष्णुमति जस्तो हुनबाट रोक्न अहिले देखिनै प्रदुषण रोकथामका लागि विशेष योजना ल्याइने रहेको छ ।साथै उमेदवार गोपालीले पालुङ्ग जेसिज सङको सहकार्यमा  २०१० देखि प्रदान गर्दै आइरहेका भरतरत्न छात्रवृत्ति लाई आजिवन प्रदान गर्ने बताउनुभयको छ।