कुण्डलदेबी को साधारणसभा सम्पन्न

             कुण्डलदेवीको १८ औं साधारण सभा सम्पन्न थाहानगर, २६ असोज कुण्डलदेवी बहुउद्धेश्यीय सहकारी संस्थाको १८ औं वार्षिक साधारण सभा शुक्रबार दामनमा सम्पन्न भएको छ । थाहा नगारपालिका–४ दामन र थाहा–३ शिखरकोटमा कार्यालय सञ्चालन गरेर कारोबार गर्दै आएको संस्थाको १८ औं साधारण सभा थाहा–३ का वडा अध्यक्ष राजेश केसीको प्रमुख आतिथ्यमा सम्पन्न भएको हो । साधारण सभाको उद्घाटनमा बोल्दै प्रमुख अतिथि केसीले सहकारीले विपन्न वर्गका मानिसहरुलाई समृद्धिको यात्रातर्फ डो¥याएको भन्दै अब बचत र ऋण कार्यक्रमको अतिरिक्त सहकारी नयाँ ढङ्गले लाग्नु पर्ने बताए ।

                   कार्यक्रमका विशिष्ट अतिथि एवम् शान्तिपुर दैनिकका प्रधान सम्पादक कुमार नेगीले सहकारीले सवल पक्ष, दुर्वल पक्ष, अवसर र चुनौतिहरुको विश्षेलण गरेर आगामी रणनीतिहरु तय गर्नु पर्ने सुझाव दिए । कार्यक्रममा हरियाली कृषि सहकारी संस्थाका अध्यक्ष माधव कार्की, लालीगुराँस महिला बहुउद्धेश्यीय सहकारी संस्थाका व्यवस्थापक तुलसा विष्ट, सेतीगणेश आधारभूत विद्यालयका प्रधानाध्यापक उर्मिला गोपाली, दामन बजार व्यवस्गापन समितिका महासचिब दावा टसी शेर्पा, उत्तरबहादुर गोपाली लगायतले शुभकामना मन्तव्य व्यक्त गरेका थिए ।

 संस्थाका सल्लाहकार राजिव स्याङ्तानले स्वागत गरेको कार्यक्रम संस्थाका अध्यक्ष शिबकुमार खत्रीको सभाध्यक्षतामा भएको थियो । कार्यक्रममा संस्थाका अध्यक्ष खत्रीले संस्थाको वार्षिक नीति तथा कार्यक्रम, सचिब रामकुमार बलले वार्षिक प्रगति प्रतिवेदन र कोषाध्यक्षका तर्फबाट लेखा समिति संयोजक सीताराम रुम्बाले आर्थिक प्रतिवेदन प्रस्तुत गरेका थिए ।

साधारणसभा को अबसर मा सस्था ले जेष्ठ नागरिक मान बा भोम्जन लाई सम्मान पत्र र दोसल्ला ओडाएर प्रमुख अतिथि राजेस केसि ले सम्मान गर्नुभएको थियो ।

साथै उत्कृष्ट कारोबार गर्ने जेष्ठ सदस्य रमेश रायमाझी ,कारोबार तर्फ राम थिङ लामा,उत्तम प्र पौडेल ,पुर्ण बा रुम्बा ,सौगात थिङ ,तथा एकल महिला सदस्य सुन्तली गुरुङ लाई नगद तथा प्रमाणपत्र प्रदान गरियो ।