उद्योग वाणिज्य संघले दियो नगरपालिकालाई सुझाव

१ असार /थाहा नगर उद्योग वाणिजय संघले गत वर्षदेखि कोभिड-१९ र निषेधाज्ञाका कारण सबै प्रकारका व्यवसायहरु संकटमा परेको ध्यानाकर्षण गराउदै दुई वर्षको कर शतप्रतिशत छुट गर्न मागसहित सुझाव दिइएको छ । सुझावमा घर बहाल नै तिर्न कठिन भईहेको बेघ।लामा कर लिनु समेत अन्यायपूर्ण रहने भन्दै कम्तिमा घर बहालमा ५० प्रतिशत छुट दिन सुझाव दिइएको छ ।

थाहा नगरपालिकाको आउदो आर्थिक वर्ष २०७८/०७९ को नीति तथा कार्यक्रममा व्यवसायी लक्षित कार्यक्रमहरुलाई जोड दिएर नीति तथा कार्यक्रम ल्याउन संघले सुझाव पेश गरेको हो ।

आगामी असार १० गते हुने नगरको नीति तथा कार्यक्रमका लागि नगरपालिकाले सुझाव माग गरेपछि मंगलबार संघका अध्यक्ष कविराज खत्रीले नगर उपप्रमुख खड्ग गोपालीमार्फत नगरपालिकालाई सुझाव पत्र पेश गर्नु भएको हो । 

सुझाव पत्रमा व्यवसायी कर तथा नयाँ व्यवसाय दर्ताका लागि संघलाई वेवास्ता गर्नाले बिगतमा नगरपालिका र व्यवसायी दुबैलाई घाटा भएको भन्दै संघले व्यवसायी कर, घर बहाल, विज्ञापन, बिटौली करलगायतमा समन्वय गर्न सुझाव दिइएको छ । 

संघले सामान ढुवानीमा सहज गरि बजार मूल्यमा एकरुपता ल्याउन भित्री सडकहरुको उचित मर्मत सुधार गर्नतर्फ पनि ध्यानाकर्षण गराएको छ ।