ईन्द्रसरोवर गाँउपालिकामा अत्यावश्यक बाहेक सबै बन्द -हेर्नुहोस् के गर्न पाइन्छ, के गर्न पाइदैन ?
गाँउपालिका भर कन्ट्रयाक ट्रेसिङ्गलाई प्रभावकारी बनाईने

 ईन्द्रसरोवर गाँउपालिकाले कन्ट्रयाक ट्रेसिङ्गलाई प्रभावकारी बनाउन गाँउपालिका भर अत्यावश्यक सेवा संचालनको समय निर्धारण गरि  अत्यावश्यक सेवा बाहेकका अन्य सबै व्यावसाय भाद्र १२ गते सम्म बन्द गर्ने भएको छ । 
गाँउपालिकाले कोरोना रोगको संक्रमण बढिरहेको र कोरोना महामारी इन्द्रसरोवर गाउँपालिकामा पनि समुदाय स्तरमा फैलन सक्ने सङ्केत देखा परेकोले संक्रमणलाई प्रभावकारी व्यवस्थापन गर्नका लागि परीक्षण र कन्ट्याक ट्रेसिङ्गलाई प्रभावकारी बनाउन गाँउपालिका भर मिति भाद्र १२ गते सम्मका लागि मंगलबार राती देखि तोकिएका अत्यावश्यक सेवाहरु, विहान ६ बजेदेखी ९ बजे सम्म सम्म र बेलुका ४ बजेदेखी ७ बजेसम्म, बाहेक अन्य सेवाहरु बन्द गर्न गराउन अपिल गरेको छ । 
गाँउपालिकाका अध्यक्ष जीवन लामाले सम्पूर्ण उद्योग, व्यवसायी तथा सर्वसाधारणलाई कोरोना रोगको संका लागेमा उच्च मनोबलका साथ सुरक्षा सावधानी अपनाई नजिकको स्वास्थ्य संस्था तथा वडा कार्यालयलाई जानकारी गराई संक्रमण न्यूनिकरणमा सहयोग गर्न आग्रह गरेको छ । 
सञ्चालन गर्न पाइने क्रियाकलापहरुः–
दमकल, एम्वुलेन्स, औषधि पसल, अस्पतालहरु, अनुमति प्राप्त सवारी साधनहरु निर्वाधरुपमा सञ्चालन गर्न पाइने छ,
दुध डेरी, फलफुल, तरकारी, पानी, खाद्यान्न पसल, ग्यास डिपो, बैङ्क तथा अन्य अत्यावश्यक सेवा प्रवाह गर्ने निकायहरु सुरक्षाका मापदण्ड अपनाई तोकिएको समय बमोजिम।
सञ्चालन गर्न नपाइने क्रियाकलापहरुः–
सबै प्रकारका सभा, गोष्टी, तालिम, सेमिनार, धार्मिक, समाजिक तथा सांस्कृतिक कार्यक्रम,
पार्टी प्यालेस, होटेल रेष्टुरेन्ट, मनोरञ्जन स्थल, भट्टी पसल, उद्योग कलकारखाना तथा सवै प्रकारका पसलहरु,निजि, सरकारी तथा गैर सरकारी संस्था, विद्यालय, फुटबल, भलिबल, पुल हाउस लगायतका सम्पूर्ण समुहमा खेलिने खेलहरु,माछा बिक्रि केन्द्र,

अन्य स्थानीय तह बाट आउन र अन्य स्थानीय तहमा जान, जिल्ला प्रशासन कार्यालय वा यस गाउँपालिकाको अनुमति बिनाको सवारी साधन ।
यस अपिलको उल्लङ्घन गरेको पाइएमा सङ्क्रामक रोग ऐन २०२० अनुसार कारवाहि गरिने छ।