आग्रा स्पोर्ट्सले दुईवटा घैटो र कोब्रा ग्याङले एउटा घैटो फुटाउदै सक्कियो यस बर्षको कृष्ण जात्रा

मकवानपुरको थाहा नगरपालिकाको शिखरकोटमा कृष्णअष्टमी अवसरमा आयोजित घैटो फुटाई प्रतियोगितामा आग्रा स्पोर्टस् पहिलो भएको छ । प्रथम भएसँगै नगद ३० हजारसहित पुरस्कार पाएको छ । हरेक वर्ष कृष्णाष्टमीको भोलिपल्ट आयोजना शिखरकोट कृष्ण मन्दिर परिसरमा हुने प्रतियोगितामा कोब्रा ग्याङ थाहा–४ दोस्रो भएको छ । दोस्रो हुने टिमले नगद २० हजार पुरस्कार पाएको छ ।
प्रतियोगितामा तेस्रो पुरस्कार पनि आग्रा स्पोर्टले नै हात पारेको छ । प्रतियोगितामा तेस्रो स्थान हासिल गर्ने टिमले नगद १५ हजार पुरस्कार पाएको छ । प्रतियोगितामा प्रथम, द्वितीय र तृतीय पुरस्कार क्रमशः साझा रोडा ढुङ्गा उद्योगका उद्योगपति रामराजा केसी, श्री रम्बा देवी स्याण्ड एण्ड एग्रीग्रेटस प्राईभेट लिमिटेड थाहा ८ का सञ्चालक अर्जुन थापा र गोरखनाथ बालुवा प्रसोधन केन्द्रका प्रोपाइटर सन्तोष बिष्टले प्रायोजन गरेका थिए ।
प्रतियोगिताको लागि तीन दिन्दाभिन्दै स्थानमा घैटो झुण्ड्याइएको थियो । पुरस्कार वितरण, फुड फेस्टिबल तथा जात्रा समापन समारोह बागमती प्रदेशका मुख्यमन्त्री इन्द्र बहादुर बानियाँको प्रमुख आतिथ्यताामा भएको थियो । कार्यक्रममा थाहा नगरपालिकाका नगर प्रमुख विष्णु बहादुर विष्ट, प्रमुख प्रशासकीइ अधिकृत सुरेन्द्र प्रधान, स्थानीय राजनीतिक दलका प्रतिनीधिहरु, वडाध्यक्ष तथा जनप्रतिनीधिहरुलगायतको आतिथ्यता रहेको थियो ।
मेलामा थाहानगर सहित मकवानपुरका इन्द्रसरोवर, भीमफेदी, हेटौंडा, कैलाश गाउँपालिका तथा धादिङका समेत दर्शकहरु आएका थिए । थाहानगरमा यसकिसिमको प्रतियोगिता २८ वर्षअघि वि.सं. २०५४ सालबाट शुरु भएको हो । मेलाको थाहा नगरपालिका, बजार व्यवस्थापन समिति शिखरकोट, शिखर क्लब, गोपाली समाज, नवजागृत पुस्तकालय, फरकसोच, दामन चेली समाज र ब्याडमिन्टन संघ थाहा नगरपालिका आयोजक रहेको थियो।
मेलालाई प्रचारप्रसारमा विशेष सहयोग गर्नका लागि  टिम टेलिभिजन,थाहापाटी,पालिका प्रेस,थाहा टाइम्स,नागरिक समाचार,साझाकुरा दैनिक,सत्मार्ग अनलाइन मेलाका अफिसियल मिडिया रहेको थियो।