संबिधानको रक्षा गर्नकालागि गठबन्धनका उम्मेद्वारहरुलाई बिजयी गराउनुपर्ने ; डिना उपाध्याय

हटिया । मंसिर ४ गते हुने प्रतिनिधि सभा र प्रदेश सभा निर्वाचन क्रममा लोकतान्त्रिक बाम गठबन्धनको हेटौडा नगरको १६,१७र १८ वार्ड स्तरीय संयुक्त चुनाव प्रचारप्रसार कार्यालयको आज साँझ उद्घाटन गरिएको छ । नेपाली काँग्रेस सह महामन्त्री तथा मकवानपुर क्षेत्र नं. १ का प्रतिनिधि सभा सदस्य उम्मेद्वार महालक्ष्मी उपाध्याय डिना, बिरोध खतिवडा र नेकपा (माओबादी केन्द्र)का प्रदेश उपाध्यक्ष, प्रदेश सभा मकवानपुर १ (क) उम्मेद्वार प्रेमबहादुर पुलामीले संयुक्त रुपमा चुनाव प्रचारप्रसार कार्यालयको उद्घाटन गरेका हुन् । उद्घाटनका क्रममा प्रतिनिधि सभा मकवानपुर क्षेत्र नं. १का उम्मेद्वार डिना उपाध्यायले संबिधानको रक्षा गर्नकालागि गठबन्धनका उम्मेद्वारहरुलाई बिजयी गराउनुपर्ने बताउनुभयो । मकवानपुर जिल्लाको समृद्ध बिकासको लागि गठबन्धनका उम्मेद्वारहरुलाई मतदान गरी बिजयी गराउन अनुरोध गर्नुभयो । कार्यक्रममा प्रदेश सभा उम्मेदवार छिन्तूले संविधान र देशको राजनीतिक रक्षाको लागि र विकास संगसंगै उपलब्धि रक्षाको निमित्त पनि गठबन्धनको जीत आब्यस्यक रहेको धारणा राख्नुभयो । कार्यक्रमलाई बागमती पालिका अध्यक्ष सरकेश घालानलेले समेत सम्बोधन गर्नु भएको थियो । प्रचार प्रसार कार्यालय उद्घाटन कार्यक्रम १७ काँग्रेस वडा सभापति नवराज न्यौपानेको सभाध्यक्षतामा भएको हो । बाम लोकतात्रिक गठबन्धन चुनाब प्रचारप्रसार समितिको आयोजनामा भएको कार्यक्रममा गठबन्धन अन्तरगतका स्थानीय नेता तथा कार्यकर्ताको उल्लेख्य सहभागिता रहेको थियो ।