माओवादी महाअभियान:- थाहा ४ मा जेष्ठ नागरिकलाई सम्मान गर्दै सुरु।

सत्तारुढ नेकपा (माओवादी केन्द्र)ले आजदेखि तीन महिने अभियान सुरु गर्ने भएको छ । यसलाई माओवादीले विशेष रुपान्तरण अभियान भनेको छ ।

देशभरका ७ हजार २४३ वडामा एकसाथ सुरु हुने ‘जनतासँग माओवादी : विशेष रुपान्तरण अभियान’का क्रममा शीर्ष नेताहरू पनि वडावडामा पुग्ने कार्यक्रम तय भएको छ ।

यसैबिच माओवादी थाहा नगर वडा न ४ ले वडाको किटेनिमा बृद्दबृद्दा हरुलाइ सम्मान कार्यक्रम गर्दै अभियानको सुरुवात गरेको छ।
थाहा ४ किटेनीमा रहेको किरातेश्वर जेष्ठ नागरिक मिलनकेन्द्रका १६ जना ८० बर्ष नाघेका जेष्ठ नागरिकलाई सम्मान गर्दै अभियानको सुरुवात गरेको हो।
माओवादी केन्द्रका ४ नम्बर अध्यक्ष जमिन दियालीको अध्यक्षता तथा अभियानका वडा इन्चार्ज अरुण रायमाझीको प्रमुख आतिथ्यतामा सम्पन्न कार्यक्रममा माओवादी नगर सदस्य हरु ओमकर बिष्ट ,यादवजंग रायमाझी ,केशव सुनार,वडा अध्यक्ष नारायण लामा वडा सदस्य हरु शुन्दरराज केसी,शान्ती बिक,अक्षय कुमार थिङ,चन्द्रमाया थिङ ,निवर्तमान जनप्रतिनिधि रबि बिष्ट ,वाइसीएल नेता राजकुमार पन्त,प्रेस सेन्टर थाहा नगर अध्यक्ष शम्भु अधिकारी लगाएतका उपस्तिथि रहेको थियो।
अभियान सुरुवात गर्दै प्रमुख अतिथी अरुण रायमाझीले जेष्ठ नागरिक हाम्रा अभिभावक भएको हुँदा पार्टीलाई वहाँ हरुको मार्गदर्शन आवश्यक रहेको बताउदै माओवादी बाट गल्ती हुँदा झकझकाउन आग्रह गर्नुभयो।
कार्यक्रमलाई वडा सचिब गणेश लामाले संचालन गरेका थिए भने माओवादी केन्द्रका नेता कार्यकर्ता तथा स्थानीयको उल्लेख्य उपस्तिथि रहेको थियो।