मकवानपुर गढ़िको अधुरा काम पुरा गर्न प्रतिवद्द छु : उमेदवार मोक्तान

सुकौरा, २९ कात्तिक/नेकपा माओवादी केन्द्रकी पोलिटब्युरो सदस्य एवं मकवानपुर क्षेत्र नम्बर २ ‘क’ की प्रदेश सभा सदस्य उम्मेद्वार कुमारी मोक्तानले मकवानपुर गढीको अधुरो अपुरो योजना पुरा गर्न प्रतिबद्ध बताउनुभएको छ । बुधबार मकवानपुरगढी गाउँपालिका सुकौरामा भएको कार्यकर्ता भेटघाट र चुनाबी सभालाई संबोधन गर्ने क्रममा मोक्तानले आफु गठबन्धन अन्तरगतका सबै दल, जनताको साझा उम्मेदवार भएकोले गठबन्धनका उम्मेद्वारहरुलाई मतदान गरि बिजयी गराउन अनुरोध गर्नुभयो ।

संबिधानको र लोकतन्त्रको रक्षाको लागि नेकपा एकीकृत समाजवादीको महत्त्वपूर्ण भूमिका भएको समेत मोक्तानले बताउनुभयो । नेपाली कांग्रेस मकवानपुरगढी गाउपालिका सचिब प्रतिमान रुम्बाको अध्यक्षतामा भएको कार्यक्रममा नेकपा माओबादी केन्द्रका केन्द्रिय सदस्य प्रल्हाद लामिछाने, बिजय गौतम, जिल्ला सचिब भिम पाख्रीन, नेपाली कांग्रेस महासमिति सदस्य माईकल रामचन्द्र अर्याल, सुर्य बहादुर रुम्बा, नेकपा एकीकृत समाजबादीका वडा अध्यक्ष सानोकान्छा मोक्तान लगायतको आतिथ्यता रहेको थियो । कार्यक्रमको माओबादी केन्द्र जिल्ला समन्वय समिति सदस्य चन्द्र योन्जनले संचालन गर्नुभएको थियो ।

यसैबिच, लोकतान्त्रिक बाम गठबन्धन थाहा नगर समितिले घरदैलो कार्यक्रम बुधबार सम्पन्न गरेको छ । नेकपा (माओवादी केन्द्र)की पोलिटब्युरो सदस्य, मकवानपुर ईञ्चार्ज तथा मकवानपुर २ (क) की प्रदेश सभा सदस्य उम्मेद्वार कुमारी मोक्तानसहितको टोलीले थाहा ३, बाघेखोला दम्की–थाहा ४ किटेनी चौतारो–दामन हुँदै सिमभन्ज्याङसम्म घरदैलो गरेको थियो ।