मकवानपुर क्षेत्र न १ संयोगको भेट!

मकवानपुरको राजनीतिक बृतमा पहिलोपटक अनौठो संयोग जुटेको छ।

लोकतान्त्रिक पद्धतिको जननी निर्वाचनमा पटकपटक पराजित भोग्दै आएका नेपाली काङ्ग्रेसका सह महामन्त्री महालक्ष्मी उपाध्याय डिना र राप्रपा नेपालका अध्यक्ष कमल थापा मकवानपुर निर्वाचन क्षेत्र नं १ बाट प्रतिनिधि सभा निर्वाचनमा भिड्ने पक्का भएको छ।

पंचायतकालिन राजनैतिक प्रणालीबाट नेपालको प्रधानमन्त्री को अभिलाषा बोकेका थापा झण्डै मुलुकको लामो समय सम्म सत्ताको बागडोर सम्हाल्दै आएका हुन।उनले २०४६ को राजनैतिक परिवर्तनपछि २०५१ सालमा निर्वाचित भएका थापा त्यसपछि २०६४ को संविधान सभाको चुनावमा समानुपातिक बाट प्रतिनिधित्व गर्दै वभिन्न कालखण्डमा सत्ताको नजिक रहदै आए।

यसपटक पनि कमल थापा नेकपा एमालेको समर्थनमा सुर्य चुनाव चिन्ह लियर क्षेत्र नं १ को उमेदवार हुनुलाई एउटा संयोग मात्र होइन बिडम्बना नै मान्न थालियको छ।नेपाली काङ्ग्रेसका सह महामन्त्री महालक्ष्मी उपाध्यय डिना पनि यहि क्षेत्र बाट निर्वाचनमा भाग लिने भएकोले मकवानपुरे राजनैतिक बृत्तमा एउटा अनौठो खाले परिवेश सिर्जना हुन थालेको विशेषण गर्न थालियको छ।

यी दुई बाहेक गत स्थानिय चुनावमा हेटौंडा उपमहानगर पालिकाको मेयर पदमा अप्रत्याशित मत लेराएका राप्रपा का दिपक बहादुर सिंह पनि यहि क्षेत्र बाट निर्वाचन लड्ने भएपछि यहाँको निर्वाचन झन रोचक हुने पक्कै छ।

दुई राजावादी ब्यक्ती र हिन्दु राज्यको माग गर्ने थापा र सिंह अनि संघीयता र धर्म निरपेक्ष र लोकतान्त्रिक गणतन्त्र पक्षधरको चुनावी भिडन्तमा कस्को पल्ला भारी हुने हो त्यो भने मंसिर ४ सम्म कुर्नै पर्ला।