मकवानपुर क्याम्पसमा अखिल क्रान्तिकारीको उदय,विद्यार्थीको असल साथी बन्ने लामाको प्रतिबद्धता

मकवानपुरकै सबै भन्दा ठूलो क्याम्पस मकवानपुर बहुमुखी क्याम्पसको स्ववियुको नेतृत्वमा अखिल क्रान्तिकारीका नेता , बिद्यार्थी माझ सर्बाधिक लोकप्रिय बिधार्थी नेता छोईसाङ लामाको आगमन भएकोछ ।

उनि लामो समय देखीको अनेरास्ववियुको एक छत्र राजलाई टोड्न सफल भएको हुन् । यो सङ्गै अब मकवानपुर बहुमुखी क्याम्पसमा अखिल क्रान्तिकारीका नेतृत्व उदय भएकोछ । अर्थात छोईसाङ लामाले स्ववियुको नेतृत्व गर्नेछ ।

निकटम प्रतिद्वन्द्वी अनेरास्ववियुका उम्मेद्बारलाई १३१ मतले पछि पार्दै अखिल क्रान्तिकारीले नेतृत्व हात पारेको हो । अध्यक्षका उम्मेद्बार लामाले ८१३ मत प्राप्त गर्दा उनलाई पछ्याउँदै गरेका अर्का उम्मेद्बार नमराज शर्माले ६८२ मत ल्याए ।

अध्यक्षमा जित हासिल गरिसकेपछी लामाले चुनावमा आफ्नो टिमलाई भोट हाल्नुहुने सबै बिद्यार्थीलाई धन्यवाद दिदै चुनावमा प्रत्येक्ष अप्रत्येक्ष सहयोग गर्नुहुने सम्पुर्ण पक्षलाई धन्यवाद दिए ।साथै चुनाव जितिसकेपछी अझ जिम्मेवार थपिएको भन्दै समग्र बिद्यार्थी आन्दोलन , हक हित र अधिकारको पक्षमा नेतृत्वदायी भुमिका निर्बाह गर्ने साथै बिद्यार्थीको असल साथी बन्ने प्रतिबद्धता व्यक्त गर्नुभयो ।

त्यस्तै सचिवमा उनकै प्यानलबाट बर्षाद घिमिरे बिजयी भएकाछन् । कोषाध्यक्षमा अनेरास्ववियुकि उम्मेद्बार हिमानी कुमारी सुवेदी बिजयी भइन् । सदस्यहरुमा प्रसिद्ध रेग्मी,प्रशन श्रेष्ठ ,कुशल पराजुली,दिपेश कार्की र झरमा थिङ रहेकाछन् ।त्यस्तै गरि बिजयी भएका सदस्यहरुमा नारायण पुडासैनी ,सुजन सिल्वाल र राहुल डिम्डुङ रहेकाछन्।

समानुपातिक मत परिणाम तर्फ पनि अखिल क्रान्तिकारी नेतृत्वको प्यानलले बढी मत ७८० प्राप्त गरि ५ सदस्य सुनिस्चित गर्न सफल भएकाछन् । अनेरास्ववियु नेतृत्वको प्यानलले ७६९ मत प्राप्त गरे ।

मकवानपुर बहुमुखी क्याम्पसमा अखिल क्रान्तिकारीसंग नेबिसंघ र राप्रपा बिद्यार्थी संघ गठबन्धनमा थिए भने अनेरास्ववियु , अनेरास्ववियू र बिप्लब क्रान्तिकारीसंगको गठबन्धनमा गरि दुई प्यानल भई बिद्यार्थी प्रतिस्पर्धामा होमिएका थिए।