भष्ट्रचारी हरुलाई झुण्डाउने कानुन चाहियो:- सांसद दिपक बहादुर सिंह

राप्रपाका नेता तथा मकवानपुर क्षेत्र नम्बर १ का संघीय सांसद दिपक बहादुर सिंहले भष्ट्रचारीहरु लाई झुण्डाउने कानुन चाहिएको बताएका छन।
राप्रपा थाहा नगर द्वारा शिखरकोटमा आयोजित कोणसभा लाई सम्बोधन गर्दै सांसद सिंहले उक्त भनाइ राखेका हुन।उनले अहिले सरकार सुन तस्कर र ललिता निवास जग्गा,सहकारी काण्डमा  नाम परेका ठुला नेताहरु जोगाउन लागिपरिरहेको आरोप लगाउदै भने "भष्ट्रचारीहरु र यस्तालाइ जोगाउन लागिपर्ने र कुकर्म गर्नेहरु किरा परेर मर्छन" । आफू धेरै पटक चुनावमा हार्दा पनि जनताको आवाज उठाउन नछाडेको र जनताको आशिर्वादले आज सांसदमा मकवानपुरको प्रतिनिधित्व गर्ने अवसर प्राप्त गरेकोले आफुले  शिर निहुराउने काम नगर्ने प्रतिबद्धता व्यक्त गरे। 
उनले मकवानपुर क्षेत्र नम्बर दुईमा एमालेले ३-४ पटक चुनाव जितेर गएपनी यस क्षेत्रको जनताको हितको लागि केही नगरेको बताउदै, थाहामा ईलाका प्रशासन ल्याउन पहलको लागि सांसदमा आवाज उठाउने आफू पहिलो सांसद रहेको भन्दै अब    माननिय महेश बर्तौलाले पहल गर्नुपर्ने बताए।
राप्रपाले देशव्यापी रुपमा आयोजना गरेको ४० बुंदे माग सहितको शान्तीपुर्ण आन्दोलनको लागि चैत्र २७ गते काठमाडौंमा जानको निम्ति अपिल सहित कार्यक्रमको आयोजना गरेको हो।
राप्रपा थाहा नगरका कार्यवाहक अध्यक्ष कुलमान तामाङको अध्यक्षतामा सम्पन्न कोणसभामा केन्द्रिय सदस्यहरु राम बहादुर थोकर,रामहरी न्यौपाने,बागमती प्रदेश सदस्य धुर्व सन्जेल,प्रचारप्रसार बिभाग प्रमुख भिम प्रसाद गौतम,संघीय समिती अध्यक्ष राम बहादुर घले,जिल्ला सदस्यहरु दिपक थापा,तिर्थ मोक्तान,थाहा नगरका निवर्तमान अध्यक्ष नवीन रायमाझी लगाएतका उपस्तिथि रहेको थियो।