प्रतिगामी शक्तिहरु जुर्मुराउन र व्यवस्था माथि धावा बोल्न थालेपछि व्यवस्था जोगाउन गठवन्धन: डिना उपाध्याय

 यादव चौलागाई                     मकवानपुर निर्वाचन क्षेत्र नं १ का उम्मेदवार तथा नेपाली कांग्रेसका सह महामन्त्री महालक्ष्मी डिना उपाध्यायले बकैया गाउँपालिका स्तरीय बाम लोकतान्त्रिक गठबन्धनको अगुवा कार्यकर्ता भेलाको उद्घाटन गर्नु भएको छ । भेलाको उद्घाटन गर्दै उम्मेदवार सह महामन्त्री डिनाले निर्वाचन क्षेत्रको विकास र जनचाहना लाई नजीकमा रहेर सम्बोधन गर्ने बताउनु भयो ,वहाँले प्रतिगामी शक्ति हरु जब जुर्मुराउन थाल्छन ,व्यवस्था माथि धावा बोल्छन,तिनको विरुद्ध प्रगतिशील शक्तिहरुले राष्ट्र देश र संविधान जोगाउन गठवन्धन निर्माण गरेको बताउदै, केपीले असंवैधानिक कदम पटक पटक चाली संविधान र संसद विघटन गर्ने प्रयास गरेकोले यो गठबन्धन निर्माण भएको बताउनु भयो । मुलुकमा अप्ठ्यारो पर्दा लोकतान्त्रिक पद्धतिमा ल्याउने यही माओबादी समाजवादी र नेपाली काङ्ग्रेस लगायत शक्ति नै हो । आज दीपक सिंह र कमल थापाको मन विचलन भएपछि गठबन्धन विरुद्द बोलिरहनु भएको तथा तिनले भ्रम को खेती गरिरहेको बताउनुभयो साथै उनिहरुले म जित्छु भन्दै केही थान कार्यकर्तालाई प्रलोभन दिइरहेको आरोप लागाइन । अगुवा कार्यकता भेला लाई सम्बोधन गर्दै प्रतिनिधि सभा १ क का उम्मेदवार प्रेम बहादुर पुलामीले बाम गठबन्धनको उम्मेदवार जिताउन लागि पर्न आग्रह गर्नु भयो । उहाँले कार्यकर्ता लाई गाउँ टोल वडा वडा पुगी पार्टी नीति गरेका काम अधुरो योजना सहित गाउँ जान निर्देशन दिनुभयो । पुलामिले यो गठबन्धन एमालेको प्रतिगामी षडयन्त्र र हाम्रो विरुद्ध भएको कु को विरुद्ध भएको बताउदै आफ्नो क्षेत्रको विकास, शिक्षा स्वास्थ्य र भूमिहीन हरुको भूमि प्राप्तिको लागि भूमिका रहने बताउनु हुँदै संघ र प्रदेशमा मन्त्रालयगत बजेट मा समेत पहुँच हुने विकासका लागि समस्या नहुने धारणा राख्नुभयो। माओबादी केन्द्र केन्द्रीय सदस्य विजय गौतम ले प्रत्येक दिन योजना बनायर चुनावी कार्यक्रममा लाग्न कार्यकर्तालाई सुझाव गर्दै महालक्ष्मी उपाध्याय रुख चिन्हमा मतदान गर्ने र प्रदेश सभा क का उम्मेदवार प्रेम बहादुर पुलामी लाई गोलाकार भित्रको हँसिया हटौडा मा मतदान गर्न आग्रह गर्दै सम्पूर्ण गठबन्धनको जीत सुनिश्चित गर्ने बेला आएको बताए साथै गौतमले केपी ओली जस्तो संविधान देश मास्ने लाई भष्मासुरको संज्ञा दिदै भष्मासुर ले यो देश विधि व्यवस्था नै भस्म गर्ने लाछ्या सहित प्रस्तुत भएकाले त्यसको विरुद् बाम लोकतान्त्रिक गठबन्धन निर्माण भएको स्मरण गर्दै केपिले व्यक्ति हत्याको विरुद्ध २८ साल तिर जेल बसेका ओलिले कुनै आन्दोलन मा सहभागी भएको कुनै फोटो भिडियो देखाउन चुनौती दिए। काँग्रेस बकैया गाउँपालिका सभापति दिलबहादूर भोंजनको सभापतित्वमा भएको कार्यक्रममा, जिल्ला समन्वय सभापति ललित घलान,प्रदेश निति तथा योजना आयोग सदस्य प्रल्हाद लामिछाने लगायतको सहभागिता थियो । बकैयाका बाम लोकतान्त्रिक गठबन्धनका हजारौं सहभागी कार्यक्रमको सञ्चालन बकैया गाउँपालिका उपाध्यक्ष भक्तबहादुर खत्रीले गर्नु भएको थियो