पर्यटकीय नगरी थाहामा पनि नेपाली टोपी दिवस मनाइने

विगत ५ बर्ष देखि जनवरी १ का दिन पारेर मनाउँदै आएको नेपाली टोपी दिवस यो बर्ष पनि मनाउने तयारी भैरहेको छ । विगतमा काठमाडौ लगायतका क्षेत्रहरुमा विभिन्न कार्यक्रमहरु आयोजना गरि मनाउँदै आएको यो दिवस यो बर्ष पर्यटकीय नगरी थाहामा पनि भव्यताका साथ मनाइने भएको छ । विभिन्न सामाजिक कार्य र अभियानहरु संचालन गर्दै आइरहेको लियो क्लब अफ पिस थाहाले पौष १७ गते पाँचौ नेपाली टोपी दिवस मनाउने तयारी गरिरहेको लियो क्लब अफ पिस थाहाका अध्यक्ष अनित बिष्टले जानकारी दिनुभयो । ' नेपाली टोपी , नेपालीको पहिचान ' भन्ने मुल नाराका साथ पाँचौ नेपाली टोपी दिवस मनाउन लागिएको बिष्टले बताउनुभयो ।

२०६३/६३ को जनआन्दोलन पछी बनेको सरकारले दौरासुरुवाल , टोपी र गुन्युचोलोलाई राष्ट्रिय पोशाकबाट हटाए पछि हालसम्म देश राष्ट्रिय पोसाक बिहिन रहेको अवस्थामा पुनः यसको पहिचान स्थापना र संरक्षण गर्न विगत ५ बर्ष देखी यो दिवस मनाउँदै आईएको छ । थाहामा पाँचौ नेपाली टोपी दिवस प्रभातफेरी सहित मनाउने कार्यक्रम रहेको छ । लियो क्लब अफ पिस थाहाले , थाहामा सकृय रहेका विभिन्न संघसंस्थाको सहयोगमा कार्यक्रम आयोजना गर्न लागेको क्लबका सचिब गणेश खत्रीले जानकारी दिनुभयो ।

सचिब खत्रीले पौष १७ गते बिहान ७:३० बजे शिखरकोटबाट प्रभातफेरि सुरुहुने जानकारी गराउँदै उक्त कार्यक्रममा उपस्थितिको लागी सम्पुर्णमा अनुरोध समेत गर्नु भएको छ ।