थाहा र आसपासका पालिकाहरुको साझा उमेदवार बन्न चाहन्छु :- बिष्णु प्रसाद ढकाल,

नेकपा एमाले मकवानपुर प्रदेश २ क को उमेदवार बिष्णु प्रसाद ढकालले अरु दलको पाहुना उमेदवार भएको कारण थाहा नगरको र प्रदेश २ क को लागि आफू साझा उमेदवार भएको बताउनुभयो । आज थाहा नगरपालिकाको विभिन्न वडामा भएको कार्यकर्ता भेटघाट तथा घर दैलो कार्यक्रम लाई सम्बोधन गर्ने क्रममा ढकालले उक्त कुरा बताएका हुन । ढकालले प्रदेश सरकार मार्फत युवा रोजगार तथा सामाजिक सुरक्षाका कार्यक्रमहरुलाई महत्व दिएर काम गर्ने बताउनु भएको छ । साथै वहाँले राष्ट्रियता बचाउनको निम्ति पनि एमालेको जितको आवश्यकता रहेको औल्याउनु भयो। एमाले थाहा ३,८,९,र १० न वडा कमिटीको आयोजनामा शनिबार भएको शुभकामना आदानप्रदान तथा चियापान कार्यक्रममा उमेदवार ढकालले बेरोजगारी नै मूख्य समस्या रहेकोले प्रदेश सरकारले युवा लक्षित कार्यक्रमहरु तयार गरि गाउँगाउँमा पुर्‍याउने वचन दिए । आफू यहि क्षेत्रको भएकोले साना साना आवश्यकताहरुको पहिचान गरि कार्यान्वयनमा जोड दिने बताउनु भयो । ढकालले प्रतिनिधि सभा सदस्यमा एमालेका युवा उमेदवार महेश बर्तौला र आफू मिलेर क्षेत्रको विकास गर्ने बताउनु भयो ।वडा कमिटीका अध्यक्ष हरुको अध्यक्षतामा भएको कार्यक्रममा प्रदेश सदस्य श्यामभक्त श्रेष्ठ,वरिना बल, जिल्ला सदस्य तथा थाहानगर सह-इञ्चार्ज सुरेन्द्रमान प्रधान, प्रदेश पर्यटन विभाग सदस्य बिमलकुमार ढकाल, पार्टी जिल्ला सदस्य शिवराम थापा, नगर अध्यक्ष अचुतम प्रसाद ढकाललगायतको सहभागिता थियो ।