थाहामा जनयुद्ध दिवस मनाइयो,आज बेलुकी १२ वटै वडामा वाइसीएलले द्विप प्रज्वलन गर्ने।

थाहा नगर/ नेकपा माओवादी केन्द्र थाहा नगर कमिटीको आयोजनामा आज २७ औं जनयुद्ध दिवस एक कार्यक्रम गरि मनायको छ।थाहा नगरको बिकास घरमा सम्पन्न कार्यक्रम नेकपा माओवादी केन्द्र थाहा नगरको नव निर्वाचित अध्यक्ष बिनोद कुमार लामा को अध्यक्षता तथा माओवादी केन्द्र बागमती प्रदेश कमिटी सदस्य बिष्णु बिष्ट आदर्शको प्रमुख आतिथ्यता तथा अन्य अतिथिहरु प्रदेश सदस्यहरु लवशेर बिष्ट , ,ज्योति रायमाझी ,इन्द्र बहादुर श्रेष्ठ ,थाहा नगरका जनयुद्धका सहिद सुनिता गोपालीका आमा मनमैजु गोपाली,माओवादी केन्द्र थाहा नगरका वरिष्ठ नेता तथा पुर्व अध्यक्ष  अरुण रायमाझी ,माओवादी केन्द्र इन्द्रसरोबर इन्चार्ज बिनायक गोले,सहिद सुनिता गोपाली स्मृति प्रतिस्ठान का अध्यक्ष सुवर्ण गोपाली ,माओवादी केन्द्र थाहा नगर निर्वाचन आयोग प्रमुख बिमल कुमार बिष्ट ,अखिल नेपाल शिक्षक संगठनका थाहा का अध्यक्ष मनोज रायमाझी ,थाहा नगर वडा न १ का अध्यक्ष हेरमान गोपाली,३ का राजेस के सी ,४ का दिपक लामा ,पुर्व जनमुक्ति सेना हरु ,पार्टीका जनबर्गिय संघसंगठनका प्रमुखहरुको उपस्थिति रहेको कार्यक्रममा आफ्नो भनाइ राख्दै प्रदेश सदस्य ज्योति रायमाझीले  जनयुद्धमा थाहा नगरबाट सहिद भएका ६ जना सहिदको सदाहतको उच्च मुल्यांकन गर्दै १० बर्ष जनयुद्ध बाट आयको उपलब्धि  गणतन्त्र ,संघीयता ,धर्म निरेपेक्षता,समाबेशीता जोगाउन अहिलेको निर्वाचन पद्धति ले नसक्ने हुदा सहिदहरुको सपना र जनयुद्ध को मर्म अनुरुप पार्टी अब पुर्ण समानुपातिक निर्वाचन प्रणालीमा जानुपर्नेमा  जोड दिनुभयो।तेसै गरि जनयुद्धमा आफ्नो कमान्डमा युद्ध लडि जनमुक्ति सेनाको रुपमा १० बर्ष आफ्नो जीवन समर्पित गरेका हाल माओवादी केन्द्र बागमती प्रदेश सदस्य बिष्णु बिष्ट आदर्शले माओवादीले १० बर्ष जनयुद्धमा जनता सङ गरेका बाचा बिर्सेको भान भएपनी बिचलित नभएको बताउदै सहिदको सपना पूरा गर्न माओवादी प्रतिबद्ध रहेकोे ले पार्टी नेतृत्वलाई खबरदारी गरिरहने बताउनुभयो।साथै वहाँ ले आम नेता कार्यकर्ता लाई देश र जनतालाई अगाडि राख्दै पद लाई गौण राखी काम गरे मात्र सहिदको सम्मान हुने बताउनुभयो ।      जनयुद्ध दिवसकै अबसरमा माओवादी केन्द्रको युवा संगठनले आज बेलुकी ६:३० बजे नगरको १२ वटै वडामा जनयुद्धका सहिद र बेपत्ता परिवारको सम्झनामा द्विप प्रज्वलन गर्ने वाइसीएल थाहा नगर सचिव युवराज बिष्टले जानकारी दिनुभएको छ।