थाहामा जनतासंग माओवादी बिशेष रुपान्तरण अभियान"को लागि जिम्मेवारी तोकियो(कुन नेता कुन वडामा?)

थाहा नगरपालिकामा नेपाल कम्युनिष्ट पार्टी माओवादी केन्द्रको तीन महिने अभियानको पहिलो चरणको लागि बिस्तारित बैठक सम्पन्न भएको छ ।

“जनतासँग माओवादी विशेष रुपान्तरण अभियान” को तयारीका लागि आज (बुधबार) थाहा नगर बिस्तारित बैठक तथा प्रशिक्षण कार्यक्रम सम्पन्न भएको हो । नेकपा माओवादी केन्द्रको विशेष रुपान्तरण अभियान कार्यक्रम भाद्र १६ गतेबाट एक साथ देशभरी सुरु गर्ने कार्यक्रम रहेको माओवादी केन्द्रका केन्द्रिय उपमहासचिव गिरिराजमणि पोखरेलले जानकारी दिनुभएको छ ।

थाहा नगरपालिकाको बिस्तारित बैठकको प्रशिक्षणलाई सम्बोधन गर्दै प्रमुख अतिथी पोखरेलले माओवादी पाटीलाई देश र जनताको पक्षमा बनाउन तीन महिने अभियानले सहयोग पुग्ने बताउदै तोकिएको जिम्मेवारी पुरा गर्न नेताहरुलाई आग्रह गर्नुभएको थियो । उहाँले सरकारले गरेका राम्रा कामलाई प्रचार गर्न जनताको घरघरमा पुग्न नेताहरुलाई आग्रह गर्नुभएको थियो । नेता पोखरेलले केन्द्रिय समितिले निर्देशन गरेको परिपत्रलाई कार्यान्वयन गर्न पालिका र वडा कमिटीलाई आग्रह गर्नुभयो ।

थाहा नगरमा अभियानको पहिलो चरणका कार्यक्रमहरु तयारी बैठक, भेटघाट लाई तिब्र पारिएको उपत्यका बिशेष प्रदेश उपाध्यक्ष तथा अभियानका थाहा इन्चार्ज प्रकाश चन्द्र पाण्डेले जानकारी दिनुभयो । “घर–घरमा माओवादी, जन–जनमा माओवादी” भन्ने नारा दिएर पार्टी नेताहरुलाई अन्तर वडाहरुमा पठाएको छ । पार्टीलाई नविकरण र विस्तारको माध्यमबाट पार्टी सदस्यता संख्या बढाउन सबै जन वर्गिय संगठन तथा मोर्चाका नेताहरुलाई वडा तथा टोल–टोलमा खटाईएको थाहा नगर अध्यक्ष बिनोद लामाले बताउनुभयो । 

तेसै गरि थाहा नगरपालिका बाट जिल्लामा प्रतिनिधित्व गर्ने नेताहरुलाइ थाहाको १२ वटै वडामा जिम्मेवारी तोकिएको छ। तोकिएको जिम्मेवारी पाउने हरुमा वडा न १ मा जिल्ला समन्वय समिती सदस्य जयराम रायमाझी ,वडा न २ मा बिष्णु बिष्ट आदर्श,वडा न ३ मा तारा सिन्तान,वडा न ४ मा अरुण रायमाझी ,वडा न ५ मा सुवर्ण गोपाली,वडा न ६ मा कृष्ण कार्की ,वडा न ७ मा सनम सिं मोक्तान,वडा न ८ मा विनायक गोले,वडा न ९ मा प्रलोक पाण्डे ,वडा न १० मा लक्ष्मण बिष्ट ,वडा न ११ मा बिनोद लामा ,र वडा न १२ मा मंगल बहादुर तामाङ लाई जिम्मेवारी तोकिएको छ भने पार्टीका जबज मोर्चा र वाइसीएल लाई तेहि अनुरुपको जिम्मेवारी तोकिएको छ। माओवादी थाहाले वडा कमिटीमा रहनुभएका नेता तथा कार्यकतालाई अभियानमा हुने बैठक, भेला, प्रशिक्षण तथा अन्तरक्रिया कार्यक्रम सहभागि हुन अनुरोध समेत गरेको छ।

https://youtu.be/IHmGPHrbr8s?si=uajESlmUadAycoCm