जिर्खे खोलामा हेमपाईप हाल्दै राक्सिराङ्ग ५ को माओबादी बिशेष अभियान शुरु

 नेपाल कम्युनिष्ट पार्टी माओवादी केन्द्रको ३ महिने कार्यक्रम जनतासङ्ग माओबादी विशेष रुपान्तरण अभियान आजबाट शुरूवात भएकोछ । देशका ७ सय ५३ वटा स्थानिय तहका ६ हजार ७ सय ४३ वटा वडाबाट एकैसाथ विशेष रुपान्तरण कार्यक्रम शुरु भएकोछ । मकवानपुर जिल्लामा पनि विशेष अभियानले तिब्रता पाएकोछ ।

पार्टिको ३ महिने विशेष कार्यक्रम अन्तरगत पार्टीका केन्द्रिय नेता यतिखेर गाउँ/गाउँ , बस्ती बस्तिका स्थानिय नेता तथा कार्यकर्तासङ्ग भेटघाट अभियानमा लागि परिरहेकोछ । विशेष रुपान्तरण अभियान अन्तर्गत वडा कमिटीहरुले कतै सरसफाइ त कतै बाटो सुधार तथा मर्मत कार्य गर्दै अभियानलाई शुरु गरेको हो । राक्सिराङ्ग गाउँपालिका वडा नम्बर ५ कमिटिले भने अलि फरक तरिकाले अभियानको शुरुवात गरेको छ । नुवाकोट जिल्ला निर्बाचन क्षेत्र २ क का बागमती प्रदेश सभा सदस्य संसद तथा माओवादी केन्द्रका केन्द्रिय सदस्य राम प्रसाद ढुंगाना ( कपिल) को प्रमुख आतिथ्यता रहेको कार्यक्रममा मनहरी देखि राक्सिराङ्गको चैनपुर तथा अन्य क्षेत्रमा जाने बाटोलाई सदै दुख दिने जिर्खे खोलामा हेम पाईप हालेर बाटोलाई सहजता प्रदान दिने कार्य गरेकोछ । पार्टिका युवा नेता तथा कार्यकर्ताहरुको सक्रिय सहभागीतामा खोलामा हेम पाईप हाल्ने कार्य सम्पन्न भएको हो ।

अभियानलाई सम्बोधन गर्दै पार्टी केन्द्रिय सदस्य कपिलले अब जनताको हरेक समस्यासङ्ग नजिक रहेर जनतासङ्गै रहेर जनताको पार्टी बन्न यो अभियानले सहयोग पुर्याउनेमा बिश्वास ब्यक्त गरेका थिए । सामान्य पानी पर्दा समेत खोला बढी यातायातका साधन वारिको वारिनै र पारीको पारिनै रहने बाध्यताबाट राहात भएको माओवादी केन्द्र राक्सिराङ्ग गाउँ कमिटि सचिब चन्द्रमान प्रजाले बताउनुभयो । खोलामा पुल नभएकै कारणले उक्त रुट भई चल्ने यातायातका कैयौ साधनहरुको ईन्जिन बिग्रन पुगेको र माथिल्लो भेगका यात्रुहरुले दुख पाएको भन्दै यो बाटोले यात्रुलाई सहजता दिनेमा आशाबादी रहेको बताउछन स्थानिय अटो ब्यबसायी मेघनाथ वाईबा । बाटो निर्माण कार्यमा पार्टिका युवा नेता बिश्व राज थिङ्ग,५ नम्बर वडाका पार्टी ईन्चार्ज सुरेश घलान , पार्टी सचिब भीषण स्याङ्तान, भिम मुक्तान लगाएत सक्रिय नेता कार्यकर्ताको सहभागिता रहेको थियो ।