जितेको पहिलो बर्षभित्रै हातहातमा लालपुर्जा दिलाउँछौ : डिना

 बागमती । लोकतान्त्रिक बाम गठबन्धनतर्फका क्षेत्र नम्बर १ उम्मेदवार महालक्ष्मी उपाध्याय (डिना) ले जितेको पहिलो बर्षभित्रै हात–हातमा लालपुर्जा दिलाउने प्रतिबद्धता व्यक्त गर्नुभएको छ । बागमती गाउँपालिकाको वडा नम्बर ६, ७ र ८ को संयुक्त चुनाबीसभामा बोल्दै उपाध्यायले आफ्नो बिजयी पश्चात् पहिलो प्राथमिकतामा लालपुर्जा वितरणको काम रहने जिकिर गर्नुभयो । उम्मेदवार उपाध्यायले यस क्षेत्रमा राष्ट्रिय गौरबका आयोजनाका काम ल्याउने पनि बताउनुभयो । उहाँले आफु यहि जनताकै लागि आएको र जनताकैबीचमा रहेर काम गर्ने दाबी गर्नुभयो । यस क्षेत्रमा अधुरा र अपुरा रहेका विकास निमार्णलाई समेत पूर्णता दिन आफ्नोतर्फबाट सक्दो प्रयास रहने उहाँको भनाई छ । उम्मेदवार उपाध्यायले देश र जनताको समृद्ध र विकास चाहने भनेकै गठबन्धन सरकारले रहेको बताउनुभयो । उहाँले देशलाई नयाँ दिशामा पु¥याई आर्थिक समृद्ध हासिल गर्न गठबन्धनलाई जिताउनुपर्ने उहाँको भनाई छ । 

जनता माविलाई क्याम्पस बनाउन पहल गर्छौ : छिन्तु बागमती । नेकपा माओवादी केन्द्रका बागमती प्रदेश उपाध्यक्ष एवं मकवानपुर क्षेत्र नम्बर १ प्रदेशसभा (क) उम्मेदवार प्रेम बहादुर पुलामी (छिन्तु) ले फापरबारीमा रहेको जनता माविलाई क्याम्पस बनाउन प्रदेश सरकारबाट पहल गरिने बताउँनुभयो । बिहिवार बागमती गाउँपालिकाको फापरबारीमा आयोजित चुनाबी सभालाई सम्बोधन गर्दै उहाँले अघिल्लो कार्यकालमा यस विद्यालयलाई प्राविधिक शिक्षामा विकास गरेको बताउँदै अबको कार्यकालमा बामगती र आसपास जिल्लाबाट आउने विद्यार्थीलाई उच्च शिक्षा हासिल गराउन सक्ने गरी क्याम्पस सञ्चालनमा पहल गरिने दाबी गर्नुभयो । बागमतीका धेरै युवाहरु खेल क्षेत्रप्रति आर्कषित भएको बताउँदै उम्मेदवार छिन्तुले गाउँपालिका स्तरीय खेलकुद ग्राम निमार्ण गरिने प्रतिबद्धता समेत जनाउनुभयो । त्यसका लागि प्रदेश सरकारले आवश्यक सहयोग गरिने उहाँले बताउँनुभयो । छिन्तुले राष्ट्रिय –अन्तर्राष्ट्रियस्तरको खेलकुद प्रतियोगितामा बागमतीका युवाहरु सहभागी हुनेगरी खेलकुद क्षेत्रको विकास गरिने पनि बताउँनुभयो । उम्मेदवार छिन्तुले अधुरो रहेको बागमती गाउँपालिका वडा नम्बर ६ र ८ ( शान्तिपुर र फापरबारी ) जोड्ने पक्की पुल अबको प्रदेश सरकारले सम्पन्न गराएरै छाड्ने बताउनुभयो । उहाँले आफुले यसअघि गरेका कार्यहरु धेरै अधुरो बसेकाले त्यसलाई पूर्णता दिन पनि फेरी उम्मेदवार बनेको बताउनुभयो । छिन्तुले अघिल्लो पटकको निर्वाचनमा जस्तै यसपटक पनि जनताले भोट दिएर जिताउने आशा लिएको बताउनुभयो । साथै उहाँले नापी भएका जग्गाको लालपुर्जा वितरण प्रक्रियालाई अगाढी बढाईने र बाँकी भएका जग्गाको नापी गराइने समेत बताउनुभयो । कार्यक्रममा नेकपा एमाले गाउँ कमिटि सदस्य सञ्जय राई माओवादीमा प्रवेश गर्नुभएको छ । उहाँलाई प्रदेशसभा सदस्य उम्मेदवार छिन्तुले स्वागत गर्नुभयो । नेकपा माओवादी बागमती गाउँपालिका अध्यक्ष अरुण बलको अध्यक्षतामा भएको कार्यक्रममा माओवादी केन्द्रिय सदस्य प्रल्हाद लामिछाने र प्रमिला पुलामी, माओवादीका समानुपातिक उम्मेदवार लक्ष्मी पाख्रिन , नेकपा माओवादी बागमती प्रदेश सदस्य जिवन गोले र क्षेत्र नम्बर १ गठबन्धनका प्रचारप्रसार संयोजक दामोदर खनाल लगायतको सहभागिता रहेको थियो ।