जनहित बिपरित कुनै काम गर्दिन:-मन्त्री कुमारी मोक्तान

नेकपा (माओबादी केन्द्र) की केन्द्रिय सदस्य, मकवानपुर ईञ्चार्ज तथा बागमती प्रदेश सामाजिक विकास मन्त्री कुमारी मोक्तानले आफुले जनहित बिपरित कुनै काम नगर्ने बताउनुभयो ।

उहाँले जनभावना अनुसार संस्थागत रुपमा योजना बनाई बिकासका योजना ल्याउन आग्रह गर्नुभयो । आईतबार थाहा नगरपालिकाको वडा न ५ मा सम्पन्न नेपाल कम्युनिष्ट पार्टी (माओवादी केन्द्र)को वडा भेलामा मोक्तानले लामो संघर्षका कारण ब्यवस्था परिवर्तन भएको र अब अवस्था परिवर्तनको लागि टोल टोल बाट लाग्न आग्रह गर्दै सामाजिक विकास मन्त्री समेत रहेकी मोक्तानले यस क्षेत्रको बिकासको लागि आफु तत्पर भएको बताउनुभयो ।

यस क्षेत्रको बिकासको लागि गुरुयोजना बनाएर अगाडि बढ्नुपर्ने र त्यसको लागि स्थानीय पार्टी नेतृत्वले पहल गर्नुपर्ने बताउदै समग्र थाहाको समृद्धिको लागि आफुले सक्दो पहल र कार्य गरिएको बताउनुभयो।

माओवादी वडा न ५ का अध्यक्ष जगन्नाथ वाइवाको सभाध्यक्षतामा सम्पन्न भेलामा माओवादी केन्द्रका उपत्यका बिशेष कमिटीका उपाध्यक्ष तथा ३ महिने अभियान थाहाका कमान्डर प्रकाश चन्द्र पाण्डे प्रलोकको बिशेष आतिथ्यता रहेको थियो भने माओवादी केन्द्र बागमती प्रदेश सदस्य इन्द्र बहादुर श्रेष्ठ ,थाहा नगर अध्यक्ष बिनोद कुमार लामा ,अभियानका ५ न वडा कमान्डर अरुण रायमाझी ,सहकामान्डर दिपक सिंह लामा,वाइसीएल थाहाका अध्यक्ष मानसिंह दोङ लगायतका माओवादी नेता तथा कार्यकर्ता हरुको उपस्थिति रहेको थियो। वडा भेलाले निमेष महर्जनको अध्यक्षतामा २९ सदस्यीय वडा कमिटी समेत चयन गरेको छ। जनता संग माओवादी बिशेष रुपान्तरण अभियान अन्तर्गत भएको भेलाले उपाध्यक्षमा अजय गुरुङ,बिरमान थिङ,र रहर बहादुर घलान,सचिव श्रीकृष्ण लामा,सहसचिव विक्रम थिङ र कोषाध्यक्षमा रघुनाथ वाइबा रहेको २९ सदस्यीय वडा कमिटी चयन गरेको हो।