गठबन्धन दलको थाहाको वडाहरुमा प्रचारप्रसार तिव्र ।

वाम-लोकतान्त्रिक गठबन्धन निर्वाचन परिचालन समिति थाहा नगरले नगरको विभिन्न वडामा आफ्नो चुनावी प्रचारप्रसार लाई तिब्रता दियको छ।

थाहा नगरपालिकाको १,९,१० न वडामा गठबन्धन दलको उमेदवार सहितले कार्यक्रम गरेका हुन ।कार्यक्रममा मकवानपुर क्षेत्र न २ क का उमेदवार कुमारी मोक्तान र प्रतिनिधि सभा क्षेत्र  २ का उमेदवार विरोध खतिवडाले संवोधन गरेका थिय।

संवोधनका क्रममा उमेदवार मोक्तानले थाहा नगर र ईन्द्रसरोवर गाउँपालिकाको पर्यटन र कृषि लाई उत्पादन संग जोडेर यश क्षेत्रका जनताहरुको जिवनस्तर उकास्न महत्वपूर्ण भुमिका खेल्ने वताउदै यसका लागि गठबन्धनको जित आवश्यक रहेको बताए भने उमेदवार खतिवडाले यो गठबन्धन संविधान र प्राप्त उपलब्धिको रक्षाका लागि भएको बताउदै,एमालेको संगत पुरातनवादी दल र व्यक्तिहरु संग बढ्दै गैरहेकोले आन्दोलन बाट प्राप्त उपलब्धि गुम्ने खतरा बढ्दै गैरहेकोले उपलब्धि रक्षाका लागि गठबन्धनका साझा उमेदवार लाई बिजयी बनाउन आग्रह गरे।

प्रचारप्रसार प्रचार कार्यक्रम वडा निर्वाचन परिचालन समितिका संयोजक हरुको अध्यक्षतामा भएको थियो।

कार्यक्रममा थाहा नगर निर्वाचन परिचालन समितिका संयोजक प्रमोदकृष्ण जोशी ,नेकपा माओवादी केन्द्रका केन्द्रिय सदस्य प्रल्हाद लामिछाने,एकीकृत समाजवादीका नेता ईश्वर रुम्बा,माओवादी केन्द्रका नगर अध्यक्ष बिनोदकुमार लामा ,समाजवादी का नगर अध्यक्ष सानुकाजी गोपाली ,किरणमान वल,क्षेत्र न २ निर्वाचन परिचालन संयोजक लवशेर बिष्ट,नेपाली काङ्ग्रेस महासमिति सदस्य जयराम लामिछाने ,क्षत्रीय सभापति खड्ग गोपाली ,लगायत गठबन्धन दलका वडा प्रतिनिधि ,मतदाताहरुको उल्लेख्य सहभागिता रहेको थियो