खतिवडा र दाहाल लाई चेतावनी एमसिसीको पक्षमा गए राम्रो नहुने!

अमेरिक सहयोग परियोजना एमसीसी सम्झौताविरुद्धको संयुक्त संर्घष समिति मकवानपुरले मकवानपुरका दुई प्रतिनिधिसभा सांसदलाई ध्यानार्कषण पत्र बुझाएको छ । प्रतिनिधिसभा सदस्य तथा स्वास्थ्य तथा जनसंख्या मन्त्री विरोध खतिवडा र कृष्ण प्रसाद दाहाललाई एमसिसी सम्झौताका सम्बन्धमा ध्यानाकर्षण पत्र बुझाएको हो।
मकवानपुरे स्वाभिमानी जनताको प्रतिनिधित्व गर्दै प्रतिनिधिसभामा राष्ट्रघाती एमसिसीको विपक्षमा खडा हुन आग्रह सहित ध्यानाकर्षण पत्र बुझाएको संयुक्त संर्घष समिति मकवानपुरले जनाएको छ । ध्यानाकर्षण पत्रमा नेपाल कम्युनिस्ट पार्टीका केन्द्रिय सदस्य तथा मकवानपुर जिल्ला इन्चार्ज नयन , नेकपा (क्रान्तिकारी माओवादी)का जिल्ला इन्चार्ज सागर , राष्ट्रिय जनमोर्चा समन्वय समितिको जिल्ला इन्चार्ज रामहरि , बैज्ञानिक समाजवादी कम्युनिस्ट पार्टी नेपाल मकवानपुरका इन्चार्ज गणेश रसाईली, नेकपा माले मकवानपुरका उपसचिव हरिकृष्ण अधिकारी , सचेत नेपाली पार्टीका मकवानपुरका संयोजक अर्जुन पाठक, उन्नत लोकतन्त्र पार्टीका संयोजक अयोद्या भट्टराई , देशभक्त जनगणतान्त्रिक मोर्चाका संयोजक सतार अन्सारी र राष्ट्रिय जनसरोकार मन्च मकवानपुरका नेपालका इन्चार्ज सागर कडेलको हस्ताक्षर रहेको छ ।
‘सिङ्गो मुलक तथा हाम देशभक्त नेपालहरु राष्ट्रघाती एमसिसीको विरुद्ध राष्ट्रघाती एमसीसी खारेज गर, राष्ट्रघाती एमसीसी चाहिदैन, देशबेच्न पाईदैन, जस्ता नारा लगाउँदै सडकमा खबरदारी गरिहरदा शेर बहादुर देउवाको गठबन्धन सरकार अमेरिकी साम्राज्यबादको कठ्पुतली बन्दै स्वाभिमानी नेपालीहरुको शान्तिपुर्ण आन्दोलनमा भीषण दमन गर्दै राष्ट्रघाती एमसिसी सदनमा पेश गरेर अनुमोदन गर्ने जुन मुर्खता देखाइरहेको छ । यो देशभक्त नेपाली जनतालाई स्वीकार्य छैन’ ध्यानर्कषण पत्रमा भनिएको छ ।
तैपनि यतिखेर नेपाली जनताको विरोधक बावजुद कठ्पुतली सरकारकले एमसीसी सदनमापेश गरिसकेको अवस्था छ । यो प्रति हाम्रो खेद छ । यतिखेर एमसीसी सदनले नै छिनोफानो गर्ने बिषय बनेको कारण सांसदको निर्णायक भुमिका बन्न पुगेको छ । त्यसैले मकवानपुरबाट संघीय संसदमा प्रतिनिधित्व गर्ने माननिय विरोध खतिवडा र कृष्ण प्रसाद दहाल ज्युलाई एमसीसीको विपक्षमा खडा हुन मकवानपुरे स्वाभिमानी जनताको प्रतिनिधित्व गर्दै संयुक्त संर्घष समिति आग्रह गर्दछौँ,’ ध्यानार्कषण पत्रमा उल्लेख छ ।
‘यो संवेदनशिल अपिललाई बेवास्ता गर्दै तपाई राष्ट्रघाती एमसीसीको पक्षमा उभिने दुस्साहस गर्नुभयो भने यो धर्तीमा  स्वाभिमानी पुर्वक बाच्ने छुट यहाँहरुलाई छैन,’ पत्रमा भनिएको छ, ‘अन्त्यमा तपाईले नेपाल आमालाई साम्राज्यवादको पोल्टामा सुम्पने घृष्टता गर्नु हुने छैन भन्ने विश्वास लिएका छौँ ।’