अपाङ्गता भएका विद्यार्थी हरुलाई शैक्षिक सामाग्री तथा छात्रवृत्ति प्रदान।

थाहा नगरपालिकाले  विभिन्न लक्षित समुदायको बजेट कार्यान्वयन गर्न सुरु गरेको छ । यसक्रममा थाहा नगरपालिका भित्र सामुदायिक विद्यालयमा अध्यनरत  अपाङ्गता भएका बालबालिकालाई  शैक्षिक सामाग्री तथा छात्रवृत्ति  वितरण गरिएको छ । 
थाहा नगरपालिका महिला,बालबालिका ,जेष्ठ नागरिक तथा अपांग परिचयपत्र वितरण शाखाको कार्यालयले स्थानीय १३ वटा विद्यालयमा अध्यनरत ४५ बालबालिकालाई शैक्षिक सामाग्री तथा छात्रवृत्ति प्रदान गरेको हो । बिहीवार बिकास घरमा आयोजित एक समारोहबीच झोला र कापी ,कलम,ज्यामिती बक्स सामाग्री सहित नगद ३ हजार रुपैयाँ  वितरण गरिएको हो ।

थाहा नगरपालिका सामाजिक बिकास समितिको निर्णय अनुसार महिला, बालबालिका, जेष्ठ नागरिक तथा अपाङ्ग परिचयपत्र वितरण शाखाले नगरका १३ वटा विद्यालयमा अध्यनरत बिद्यार्थीहरुलाई छात्रवृत्ति प्रदान गरिएको शाखा प्रमुख प्रतिमा मोक्तानले बताउनुभयो ।

थाहा ३ को बिकास घरमा आयोजित एक समारोह बीच झोला र कापी, कलम लगायत शैक्षिक सामग्री सहित नगद वितरण गरिएको थाहा नगरपालिका सामाजिक बिकास शाखा प्रमुख अनिल लामिछानेले बताउनुभयो ।

थाहा नगर सामाजिक विकास समिती सदस्य जनक बिकको सभापतित्वमा सम्पन्न कार्यक्रममा थाहा ४ का अध्यक्ष नारायण लामा,३ का हिरेन्द्र रायमाझी ,सामाजिक बिकास शाखा प्रमुख अनिल लामिछाने ,थाहा नगर रोजगार संयोजक कुमार नेगी,जनकल्याण माविका प्रधानाध्यापक सानोभाइ कार्की ,इलाका प्रहरी कार्यालय पालुङका प्रमुख दुर्गा खनाल,दामन चेली समाजकी अध्यक्ष राधिका रायमाझी ,लगायत सम्बन्धित विद्यालयका शिक्षक ,विद्यार्थी तथा अभिभावक हरुको उपस्थिति रहेको थियो।