महिला प्रधानाध्यापकले बदल्दै थाहाको शिक्षा!

मकवानपुरको थाहा नगरपालिकाका ६४ मध्ये १९ अर्थात २९.६८ प्रतिशत विद्यालयमा महिला प्रधानाध्यापक छन् । यो तथ्याङ्कले विद्यालयको नेतृत्वमा महिलाको सहभागिता क्रमशः बढिरहेको देखिन्छ । पालिकाभित्र रहेका ५३ वटा सामुदायिक विद्यालयतर्फ २ मावि, एक निमावि, ११ वटा प्राविमा र ३ वटा बाल कक्षामा महिला प्रधानाध्यापक महिला छन् । ११ वटा संस्थागत विद्यालय मध्ये एक मावि, एक आवि र एक बाल कक्षा महिला प्रधानाध्यापक रहेको थाहा नगरपालिका शिक्षा, युवा तथा खेलकुद विकास शाखा प्रमुख माधव विक्रम मल्लले बताए । ।
थाहा नगरपालिका–५, तसरको दुर्गादेवी माध्यमिक विद्यालयको प्रधानाध्यापकमा कल्पना रावल छिन् । उनी एक वर्षदेखि शिक्षण पेशामा आबद्ध रावल ५ महिनादेखि विद्यालयमा प्रअको जिम्मेवारी सम्हालिरहेकी छिन् ।
थाहा नगरपालिका–२, पालुङस्थित पालुङ अंग्रेजी आवासीय माध्यमिक विद्यालयको प्रधानाध्यापक जुनु उप्रेती छिन् । उनले २०७६ सालदेिख प्रधानाध्यापकको जिम्मेवारी सम्हाल्दै आएकी छिन् । १७ वर्षदेखि शिक्षण पेशामा आबद्ध उप्रेतीले २ वर्षमात्रै सामुदायिक विद्यालयमा अध्यापन गराएकी थिइन् । थाहा नगरपालिका–६, थाहाचोकस्थित बजब्राराही माध्यमिक विद्यालयको निमित्त प्रअमा सञ्जिता पाठक छिन् । सहायक प्रधानाध्यापकको जिम्मेवारी समाल्दै आउनुभएकी पाठक चैत १९ गतबोट प्रअमा नियुक्त भएकी हुन् । २०७२ सालमा स्थायी शिक्षक नियुक्त भएकी पाठक २०७९ सालदेखि बज्रवाराही माविमा अध्यापन गर्दै आएकी छिन् ।
नगरपालिकाका विभिन्न वडामा रहको अन्य प्राथमिक तथा आधारभूत विद्यालयहरू पनि महिला नेतृत्वमा सञ्चालन भइरहेका छन् । थाहा नगरपालिका–१, खानीगाउँको कालीदेवी प्राथमिक विद्यालयमा कल्पना सिंह ठकुरी र टाहाखेलको पञ्चकन्या प्राथमिक विद्यालयमा संगीता रुम्बा प्रधानाध्यापक छिन् । त्यस्तै, थाहा–२, फाँटबजारको दीपज्योति इङ्लिस बोर्डिङ स्कुलमा सन्जिता बस्नेत, भाङखाेिरयास्थित मंगलेश्वर प्राथमिक विद्यालयमा लक्ष्मी ढकाल प्रधानाध्यापक छिन् ।
थाहा–३, शिखरकोटमा रहेकोे माइलस्टोन मन्टेश्वरी प्रि–स्कुल रुना खत्री र सेतीगणेश आधारभूत विद्यालय उर्मिला गोपालीले विद्यालय सञ्चालन गरिरहेका छन् । यसैगरी, थाहा–४ रुप्सेमा रहेको महांकाल प्राथमिक विद्यालयमा सस्मिता बल, ठूलो मार्खुको बालकुमारी प्राथमिक विद्यालयमा कोपिला भेटवाल, दामनस्थित ऋषेश्वर प्राथमिक विद्यालयमा ममता थिङ, थाहा–५, ठूलो फाखेलको कल्याण प्राथमिक विद्यालयमा सुजता थिङले विद्यालयमा प्रधानाध्यापकको जिम्मेवारी वहन गर्दै आएका छन् ।
थाहा–६, पालुङको गणेश प्राथमिक विद्यालयमा मनदेवी बलामी, बुढीचौरको उदय प्राथमिक विद्यालयमा तुलसा न्यौपाने, थाहा–८, बाहुनगाउँस्थित काला गणेश प्राथमिक विद्यालयमा गीता सापकोटा, थाहा–९, कखुवीर्तास्थित जलदेवी प्राथमिक विद्यालयमा प्रतिमा लामिछाने, टोटासीस्थित महालक्ष्मी प्राथमिक विद्यालय उषा श्रेष्ठ, थाहा– ११, नागछेडाको जनता प्राथमिक विद्यालयमा लक्ष्मी धामी, दोभान खोलास्थित टिस्टुङ देउराली पा्रथमिक विद्यालयमा सुन्नती माया बल प्रधानाध्यापक छन् ।