थाहा गोल्ड कप २०७४ सेभेन ए साइड फुटबल प्रतियोगिता सुरु

– शम्भु अधिकारी

थाहा नगर पालिका नगर खेलकुद बिकास समिति वडा नम्बर २, ३ र ४ को आयोजनामा अाजवाट थाहा गोल्ड कप २०७४ सेभेन ए साइड फुटबल प्रतियोगिता सुरु भएको छ ।
    थाहा नगरपालिकाको ईन्द्रायणी चौरमा सुरु भएको प्रतियोगिताको प्रमुख अतिथि नगर उप–प्रमुख खडग बहादुर गोपालीले रेफ्रिलाई बल हस्तान्तरण गरेर खेलको उद्घाटन भएको हो । गोल्डकप संयोजक, वडा नम्बर ३ का अध्यक्ष तथा थाहा नगर खेलकुद बिकास समितिका संयोजक राजेश केसीको सभापतित्वमा उद््घाटन कार्यक्रम भएको हो ।  उद्घाटन कार्यक्रममा वोल्दै सभापति केसी.ले खेलको माध्यम वाट राष्ट्रिय तथा अन्तराष्ट्रिय ख्याती कमाउने खेलाडी उत्पादन हुने भएकोले यस्ता कार्यक्रम भैरहनु पर्ने वताउनु भयो । थाहा नगरमा आफु खेल विकासको लागि लागिरहने वताउ“दै, नगरपालिकामा खेलकुदको लागि वजेट वढाउन आफु लागी पर्ने वताउनु भयो ।
  प्रमुख अतिथि गोपालीले थाहा नगरमा खेलाडी उत्पादन कमी भैरहेको अवस्थालाई सुधारका लागि आवश्यक पूर्वाधार तथा योजना वनाउनका लागि आफु लागि पर्ने वताउनु     भयो । उघ्घाटन कार्यक्रममा थाहा नगरपालिका कार्यकारी अधिकृत हरिलाल पुरी, शाखा अधिकृत अशोक बिष्ट, पालुङ भ्यालीहर्ट एकेडमीका अध्यक्ष भरत गोपाली, प्रमुख रेफ्री उमेश विडारी, वडा नम्बर २ का खेल संयोजक मनोज अधिकारी, वडा नम्बर ३ का संयोजक मनोज रायमाझी, वडा नम्बर ४ का संयोजक संग्राम बिष्ट, नया सवुज गणका प्रमुख      खेमराज कार्की, खेलाडीहरु तथा खेल प्रेमी दर्शकहरुको उपस्थिती रहेको थियो ।
  नकआउट चरणमा हुने फुटवल खेलमा  २२ वटा टिमको सहभागितारहेको छ भने खेल ५ दिनसम्म चल्ने कार्यक्रम संयोजक सुमन बिष्टले बताउनु भयो । प्रतियोगितमा प्रथमहुने टिमलाई नगद ५० हजार नगद सहित, शिल्ड प्रमाण पत्रको साथै ट्रफी प्रदान गरिने छ भने प्रत्यक म्याचमा म्यान अफ दि म्याचको ट्रफि प्रदान गरिने आयोजकले जानकारी दिएको छ ।