थाहानगरमा विनय बाबु वस्नेत स्मृति भलिबल हुने

स्वर्गिय विनय बाबु बस्नेतको स्मृतिमा यहि कार्तिक १ गते देखि थाहा नगरपालिका २ फाँटबजारमा थाहानगर स्तरीय रनिङ शिल्ड भलिबल प्रतियोगिता २०७४ आयोजना गर्ने भएको छ । २०६३ साल देखि धनुषा जिल्लाको शशस्त्र प्रहरी सेवामा कार्यरत व्यवहारिक, मिलनसार अनुशासित व्यक्तित्व बिनयवाबु बस्नेतको २०७३ साल फागुन १६ गते बारा जिल्लाको पथलैया सडक खण्डमा मोटर साईकल दुर्घटनामा परि मृत्यु भएको थियो । 

थाहा नगरपालिका २ स्थित घर भएका स्वर्गिय विनयबाबु बस्नेत स्कुले जिवन देखिनै भलिबल खेलमा सक्रिय हुनुका साथै विभिन्न क्लवहरुमा आवद्वभइ भलिबल खेलमा सक्रिय सहभागिता जनाउने भएकोले साथिभाई, आफन्तजन र शुभचिन्तकहरुको सक्रियतामा बिनयबाबु बस्नेत स्मृति प्रतिष्ठान स्थापना गरिएको प्रतिष्ठानका अध्यक्ष तथा स्वर्गिय बिनयबाबु बस्नेतका दाजु बिजयबाबु वस्नेतले बताउनु भयो ।    

    स्वर्गिय विनयबाबु बस्नेतको स्मृतिमा हरेक बर्ष थाहा नगर स्तरिय रनिङ शिल्ड भलिबल प्रतियोगिताको आयोजना गरिने प्रतिष्ठानका सदस्य शंकर कार्कीले बताउनु भयो । उहा“ले थाहा नगर भित्रका इच्छुक १२ वटा टिमलाई टिम दर्ता गराउनुहुन अनुरोध गर्नुका साथै प्रतिष्ठानले आयोजना गर्ने भलिबल खेल तथा अक्षयकोषको लागि विभिन्न व्यक्तिहरुवाट सहयोग प्राप्त भइरहेको सदस्य कार्कीले जानकारी दिनु भयो ।